LIVRE V, CHAPITRE XLI

Venant d'avantage icelle vague lumière toucher sur la pollissure du marbre, duquel estoit incrusté tout le dedans du temple, apparoissoient telles couleurs que voyons en Tare céleste quand le clair soleil touche les nues pluvieuses.

L'invention estoit admirable, mais encores plus admirable, ce me sembloit, que le sculpteur avoit autour de la corpulance d'icelle lampe cristaline engravéeà ouvrage cataglyphe une prompte et gaillarde bataille de petis enfans nuds, montez sus des petis chevaux de bois, avec lances de virole.ts et pavois faits subtilement de grappes de raisins entrelassées de pampre, avec gestes et effors puériles tant ingénieusement par art exprimez que nature mieux ne le pourroit. Et ne sembloient engravez dedans la matière, mais en bosse, ou pour le moins en crotesque apparoissoient enlevez totalement, moyennant la diverse et plaisante lumière, laquelle, dedans contenue, ressortissoit par la sculpture.

PANTAGRUEL