LIVRE V, CHAPITRE XLVII

Qui presagist de toutes choses :

Car Atnenaeus nous expose Que ce tréteau estoit Bouteille Pleine de vin à une aureille, De vin, je dis de vérité; Il n'est telle syncerité En l'art de divination Comme est l'insinuation Du mot sortant de la Bouteille.

Çà, frère Jean, je te conseille, Cependant que sommes icy, Que tu ayes le mot aussi De la Bouteille trimegiste, Pour entendre se rien obsiste Que ne te doives marier ; Tien cy, de peur de varier, Et joue l'amorabaquine.

Jectez luy un peu de farine. »

Frère Jean respondit en fureur, et dist:

« Marier ! Par la grand' Bottine,

Par le houseau de sainct Benoist,

Tout homme qui bien me congnoist

Jurera que feray le chois

D'estre desgradé ras ainçois

Qu'estre jamais engarié

Jusques là que sois marié;

Cela ! que fusse spolié

De liberté ! fusse lié

A une femme désormais !

Vertu Dieu, à peine jamais

Me liroit on à Alexandre,

Ny à Caesar, ny à son gendre,

N'au plus chevaleureux du monde. »

Panurge, deffeublant sa gualleverdine et accoustrement mistique, respondit :

<r Aussi seras tu, beste immonde,

Damné comme une maie serpe.

Et je seray comme une herpe

Sauvé en paradis gaillard :

Lors bien sus toy, pauvre paillard,

Pisseray-je, je t'en asseure.

Mais escoutez : advenant l'heure

Qu'à bas seras au vieux grand diable?

Si, par cas assez bien croyable,

Advient que dame Proserpine

Fust espinée de l'espine

Qui est en ta brague cachée,

Et feust de fait amourachée

De tadite paternité,

Survenant l'oportunité

Que vous feriez les doux accords

Et luy montasses sus le corps,

Par ta foy, envoyeras tu pas

Au vin, pour fournir le repas

Du meilleur cabaret d'Enfer,

Le vieil ravasseur Lucifer?

Elle ne fut onques rebelle

Aux bons frères, et si fut belle.

« — Va, vieil fol, dist frère Jean, au diable ! Je ne saurois plus rithmer, la rithme meprent à la gorge; parlons de satisfaire icy. »