LIVRE V, CHAPITRE IV

tous les ans à boutées ces Clergaux icy nous viennent, laissans pères et mères, tous amis et tous parens.

« La manière est telle : quand en quelque noble maison de ceste contrée dernière y a trop d'iceux enfans, soient masles, soient femelles, de sorte que qui à tous part feroit de l'héritage, comme raison le veult, nature l'ordonne et Dieu le commande, la maison seroit dissipée, c'est l'occasion pourquoy les parens s'en deschargent en ceste isle, mesmement Vils sont des appanaiges de l'Isle Bossard. — Cest, dit Panurge, l'Isle Bouchard lez Chinon?— Je dis Bossard, respondit ^Editue, car ordinairement ils sont bossus, borgnes, boiteux, manchots, podagres, contrefaits et maleficiez, poix inutile de la terre. C'est, dit Pantagruel, coustume du tout contraire és institutions jadis observées en la réception des pucelles Vestales, pour lesquelles, comme atteste Labeo Antistius, estoit défendu à ceste dignité eslire fille qui eust vice aucun en l'ame, ou en ses sens diminution, ou en son corps tasche quelconque, tant fust occulte et petite.

— Je m'esbahis, dit Mditue continuant, si les mères de par de-là les portent neuf mois en leurs flancs, veu qu'en leurs maisons elles ne les peuvent porter ne patir neuf ans, non pas sept le plus souvent, et leur mettans une chemise seulement sus la robbe, sur le sommet de la teste leurs couppans je ne sçay quants cheveux, avec certaines parolles

PANTAGRUEL

apotrophées et expiatoires, comme entre les iEgyp-» tiens par certaines linostolies et rasures estoient créez les Isiacques, visiblement, apertement, manifestement, par metempsychosie pythagorique, sans lésion ne blessure aucune, les font oiseaux tels devenir que présentement les voyez. Ne sçay toutesfois, beaux amis, que peult estre, ne d'où vient que les femelles, soyent Clergesses, Monagesses ou Abbegesses, ne chantent motets plaisans et charisteres, comme on souloit faire à Oromasis, par l'institution de Zoroaster, mais catarates et scythropes, comme on faisoit au Daemon Arimanian ; et font continuelles dévotions de leurs parens et amis, qtii en oiseaux les transformèrent , je dis autant jeunes que vieilles.

« Plus grand nombre nous en vient de Joursanspain, qui est excessivement long. Car les Assaphis, habitans d'icelle contrée, quand sont en danger de patir malesuade famine, par non avoir dequoy soy alimenter, et ne sçavoir ne vouloir rien faire, ne travailler en quelque honneste art et mestier, ne aussi feablement à gens de bien soy asservir ; ceux aussi qui n'ont peu jouir de leurs amours, qui ne sont parvenus à leurs entreprinses et sont désespérez ; ceux pareillement qui meschantement ont commis quelque cas de crime, et lesquels on cherche pour à mort ignominieuse mettre, tous avolenticy; icy ont leur vie assignée, icy soudain deviennent gras comme glirons, qui paravar.t estoyent maigres