CHAPITRE X Comment Pantagruel arriva en Vîsle de Cassade

elaissans l'Isle des Ferremens, continuasmes nostre chemin; le jour ensuyvant entrasmes en l'Isle de Cassade, vraye idée de Fontainebleau, car la terre y est si maigre que les os (ce sont rocs) luy persent la peau, areneuse, stérile, mal saine et mal plaisante. Là nous monstra nostre pillot deux petits rochers carrez à huit esgalles pointes en

cube, lesquelles, à l'apparence de leur blancheur, me sembloient estre d'albastre, ou bien couvers de neige ; mais il les nous asseura estre d'osselets. En iceux disoit estre à six estages le manoir noir de vingt diables de hazard, tant redoutez en nos pays, desquels les plus grands bessons et accouplez il nommoit Senes, les plus petits Ambezas, les autres moyens Quine, Quaderne, Terne, Double Deux; les autres escoulletez il nommoit Six et cinq, Six et quatre, Six et trois, Six et deux, Six et as, Cinq et quatre, Cinq et trois, et ainsi consécutivement. Lors je notay que peu de joueurs sont par le monde qui ne soient invocateurs de diables : car, jettans deux dez sur table , quand en dévotion ils s'escryent « Senes, mon amy », c'est le grand diable; « Ambezas, mon mignon », c'est le petit diable; « Quatre et deux, mes enfans », et ainsi des autres; ils invoquent les diables parleurs noms et surnoms. Et non seulement les invoquent, mais d'iceux se disent amis et familiers. Vray est que ces diables ne viennent tousjours à souhait sus l'instant, mais en ce sont -ils excusables : ils estoyent ailleurs, selon la dacte et priorité des invoquans , partant ne faut di,re qu'ils n'ayent sens et oreilles. Ils en ont, je vous dy, belles.

Puis nous dit qu'autour et à bord de ces rochers carrez plus a esté faict de brix, de naufrages, de pertes de vies et de biens, qu'autour de toutes les Syrtes, Caribdes, Siraines, Scylie, Strophades e