LIVRE V, CHAPITRE I
Nous doubtions que feust Dodone avecques se* chauderons, ou le Porticque dit Heptaphone en Olympie, ou bien le bruit sempiternel du colosse érigé sus la sépulture de Memnon en Thebes d'Egypte, ou les tintamarres que jadis on oyoit autour d'un sépulcre en Pisle Lipara, Tune des Solides ; mais la chorographie n'y consentoit. « Je doute, dist Pantagruel, que là quelque compaignie d'abeilles ayent commancé prendre vol en l'air, pour lesquelles revocquer le voisinage faict ce triballement de poilles, chaudrons, bassins, cymbales corybantiques de Cybele, mere grande des Dieux. Entendons. »
Approchans davantage, entendismes, entre la perpétuelle sonnerie des cloches, chant infatigable des hommes là residens, comme estoit nostre advis. Ce fut la cause pourquoy, avant que aborder en Tlsle Sonnante, Pantagruel fut d'opinion que descendissions avecq' nostre esquif en un petit roc auprès duquel recognoissions un hermitage et quelque petit jardinet.
Là trouvasmes un petit bon homme hermite nommé Braguibus, natif de Glenay, lequel nous donna pleine instruction de toute la sonnerie, et nous festoya d'une estrange façon. Il nous fist quatre jours consequens jeusner, affermant qu'en l'Isle Sonnante autrement receus ne serions, parce que lors estoit le jeusne de Quatre-Temps. « Je n'entends point, dit Panurge cest énigme ; ce seroit
PANTAGRUEL l3
plustost le temps des quatre vens, car, jeusnant, ne sommes farcis que de vent. Et quoy, n'avez vous icy autre passetemps que de jeusner? Me semble qu'il est bien maigre; nous nous passerions bien de tant de festes du palais. — En mon Donat, dit frère Jehan, je ne trouve que trois temps, prétérit, présent et futur; icy le quatriesme doit estre pour le vin du valet. — Il est, dit Epistemon, aorist yssu de prétérit tresimparfaict des Grecs et des Latins, en temps garré et bigarré receu. Patience, disent les ladres. — Il est, dit l'hermite, fatal ainsi comme je vous l'ay dit ; qui contredit est hérétique, et ne luy fault rien que le feu. — Sans faulte, Pater, dit Panurge, estant sur mer, je crains beaucoup plus estre mouillé que chauffé, et estre noyé que bruslé.
« Bien, jeusnons, de par Dieu ; mais j'ay par si long-temps jeusnéqueles jeusnes m'ont sappé toute la chair, et crains beaucoup qu'en fin les bastions de mon corps viennent en descadence. Autre peur ay-je d'avantage, c'est de vous fascher en jeusnant, car je n'y sçay rien, et y ay mauvaise grâce, comme plusieurs m'ont affermé, et je les croy; de ma part, dy-je, bien peu me soucie de jeusner; il n'est chose tant facile et tant à main ; bien plus me soucie de ne jeusner point à l'advenir, car là il fault avoir dequoy drapper et dequoy mettre au moulin. Jeusnons, de par Dieu, puisqu'entrez sommes és feries esuriales, ja longtemps a que ne les recognoissois.
