LE TRIPIER DE CHASTELET

La présente epitaphe fait pour ledit tripier contre le roy de la'bazoche la première sincope fait pour les bazochiens de la seconde contre les trippiers.

Louez seront Tripiers en triperies

Bazochiens Seront mis au bazac

Louenge auront Trompeurs en tromperie

Jeux anciens Iront passer au bac

Praticiens Soit daboc ou dabac

Tant clercz que laiz En usant de reproche

Auront des biens Pour éviter leschac

Dens le palais Du roy de la bazoche

Apres je vis son féal chancelier

Vestu de noir, pour la chance lier

Et avec luy plus de cent valetons

Pour leur roy mettre en trop meschant cellier

Suysses, mores, non sacchant salier

Tous désolez, tristement a bas tons

Auec le corps gecterent leurs bastons

Puis officiers leur lettres dessirerent

Dont la plus part estre mors désirèrent

Criant plus hault que ce je ne puis mettre

Helas helas nous perdons nostre maistre

Par leurs grans cris, plains et pleurs merueilcurs

Tous mes cinq cens, ainsi quen mer veilleurs Firent lesprit en sursault resueiller Soubz lappareil de membres travailleurs Heus et soubstins en ce dur travail heurs Trop suffisans de gens a merveiller Mais comme on dit que pour zmer veiller Doibt ung chascun adonc qui que le veille Vu le veillast, soubdain qui que le vueille En celle veille peur mon corps reveilla Comme celluy qui mauluais réveil a

Triste, pensif, boursoufle, enroé Comme se jeusse crie hault aroé Parmy les champs, ne pouant papier Auant que fusse nullement desroé

Quoy quen ce cas j eusse moult fort roé Ce néant moins, je nalis pas pier Mais escnpuis tout soubdain en papier Ce qui est dit et puis en parchemin Affin que mieulK par voye et par chemin Plaignant ce roy : et les autres passez On prie dieu pour tous les trespassez

Pardon requiers, se pour me contenter Jay entreprins douvriers mescontenter Lisant ceste œuuere ou tresmal je me herpe Homme, las, loing, ne peult escharpe, enter Ne manouurier ne pourrait charpenter Ung grant palays dune petite serpe Donc attendant quon expulse et decerpe De mes raisins, le macule, verjus Cy jest Andrqy de la Vigne ung vert jus.

Explicit