escus soleil, assavoir: à nostre feu Seigneur et Père

2.300 escus soleil, en le pourvoyant par luy dudit office, et 1,000 escus qu’il a depuis payé audit Picart en nostre acquit et suivant l’ordonnance du conseil privé de feu nostre très honoré Seigneur et Frère le Roy François, dernier déceddé, du 16e de novembre 1559, affin que moyennant icelle somme de 1,800 liv., il peust supporter les frais qu’il est contraint ordinairement faire tant à la poursuitte de ses assignations, recouvrement des deniers d’icelles, port et voicture desdits deniers, sallaires, nouritures et entretenement de luy, sesderset commis, que autres frais qui luy convient ordinairement faire pour cet effet , ainsy qu’il est plus au long contenu par sadite requeste par nous renvoyée aux intendans de nos finances.

B ASTIMENS DU ROY.

Nous, après avoir ouy en nostre conseil privé leur rapport , avons, suivant leur advis et pour les mesmes causes y contenues, par meure délibération des gens de nostre conseil , ordonné et ordonnons par cesdites patentes audit Durant, par manière de pension, outre sesdits gages ordinaires, la somme de 440 liv. par an, et en ce faisant voulu et voulons que d’icelle il soit payé, outre la taxe de vous à luy faitte depuis le pénultiesme de febvrier 1509, qu’il remboursa audit Picart lesdits 1,000 escus qu’il avoit fournis le pourvoyant de nostredit feu Seigneur et Père dudit office de trésorier desdils bastimens, comme il est apparu par certain extrait d’ordonnance sur ce faitte par le conseil privé de nostre Seigneur et Frère, au dos duquel est la quittance dudit Picart , desdits jour et an, signée de notaires, revenans pour deux ans dix mois eschus le dernier de décembre 1562, à la somme de 1 ,246 liv. 12 sous 4 deniers. Vous mandant à cette cause, commandant et très expressément enjoignant icelle dite somme passer et allouer purement et simplement en la despence du compte d'icelluy Durant pour ladite année 1562, outre lesdites 3,020 liv., 10 s. à luy par vous taxez comme dit est, et sesdits gages ordinaires , ou bien icelle lui déduire ou rabattre sur ce qu’il nous peut debvoir à la fin dudit compte, et icelle somme de 440 liv. luy permettre de continuer et prendre, tant pour l’année 1563 que la présente et autres à venir, tant qu’il tiendra et exercera ledit office et fera lesdits payemens, et au regard des deniers extraordinaires qui luy ont esté, depuis le dernier jour de décembre 1562, et seront cy après par nous ordonnez pour employer à la construction, réparations et entretenemens de nosdits bastimens nouveaux du Louvre, Fontainebleau, Boullongne lès Paris, Saint Germain en Laye, la Muette, Villiers Costerets, bois de Yincennes, Saint Léger près Montfort l’Amaulry, Sénart près Yerre, les sépultures de nos prédécesseurs Roys et Reynes de France, et autres que

nous faisons et pourons cy après faire construire et édiffier en quelque lieu et endroit que ce soit dedans et dehors de nostre dite ville de Paris, jusques à vingt lieues à la ronde, nous, ayant esgard aux taxes qui ont esté cy devant faittes ausdit Picart et Goille et leurs prédécesseurs en ladite charge pour chacun desdits lieux, lesquelles sont revenues à grosses sommes de deniers par an, avons aussy voulu et ordonné, voulons et ordonnons, et nous plaist que ledit Durant puisse coucher et employer en la despence des comptes qu’il rendra par devant vous à raison de 3 deniers pour chacune livre de la receple, nousluy avons taxez et ordonnez, taxons et ordonnons par ces mesmes présentes signées de nostre main, outre cesdits gages ordinaires et pension , et ce, pour tous frais, peines et sallaires pour luy, ses clercs et commis, et toutes autres choses que pour raison de ce il pouroit prétendre et demander en l’advenir, et iceux 3 deniers pour livre, à quelque somme qu’ils puissent ou pouroient monter et revenir, vous les passez et allouez purement et simplement en la despence de sesdits comptes, et pareillement ladite pension de 440 liv. par chacun an, en rapportant sesdites présentes à icelluy Durant, ou vidimus d’icelles deuement collationné à l’original par l’un de nos amez et féaux notaires et secrétaires pour la première fois seulement, car tel est nostre plaisir, nonobstant nos ordonnances par lesquelles est dit que toutes pensions seraient payez par le trésorier de nostre espargne et non par autres ausquelles et à quelconques autres à ce contraires. Nous avons pour cet effet, et sans y préjudicier à autres choses, desrogé et desrogeons, et aux desrogatoires des desrogatoires par cesdiles présentes. Donné à Roussillon en Dauphiné, le 21e de juillet 1564, et de nostre règne le 4e. Ainsy signé : Charles. Et plus bas : Par le Roy, en son conseil, De l’àübespine ; et scellé sur simple queue de cire jaulne. Et au dessous de ladite coppie est escript : Collation a esté faille

à l’Original par moy notaire et secrétaire du Roy, le 9e d’aoust 1564. Signé : Hüault.

Compte Ie de maistre Jean Durant, durant une année entière commancée le premier de janvier 1562 et finie le dernier de décembre 1563.

RECEPTE

De maistre Jean de Bâillon, conseiller du Roy et trésorier de son espargne, par quittance dudit Durant, la somme de 43,000 liv., à luy ordonnée par le Roy, pour convertir et employer au bastiment neuf du Louvre.

De maistre Jean de Maliac, conseiller du Roy et receveur général des finances à Tholose, la somme de 400 liv.

De maistre Symon Boullenc, aussy conseiller du Roy et receveur général de ses finances, à Paris, la somme de 500 liv.

Somme toute de la recepte :

43,900 liv.

Despence de ce compte faitte par ledit Durant pour la continuation et parachèvement du bastiment que le Roy fait construire et édiffer de neuf en son chasteau du Louvre , en cette ville de Paris, tant pour ouvrages de maçonnerie, sculpture, charpenterie, serrurerie, peinture, menuiserie, vitrerie, que plusieurs frais, sallaires et vacations, gages, estats et autres frais deppendant du fait du bastiment neuf du Louvre, suivant les ordonnances de maistre Pierre Lescot, seigneur de Clagny , abbé de Clermont, conseiller

et aumônier du Boy et par luy commis à la superintendance dudit bastiment neuf du Louvre.