AU ROY

Et à Messeigneurs de son privé conseil estably à Paris près la personne de Monseigneur le Duc.

Sire,

Il a pieu à vostre Majesté pourveoir Pierre Reynault de Testât et office de vostre trésorier et payeur de vos œuvres et bastimens, vaccant par la privation faitte par arrest de vostre court de Parlement dudit estât lequel tenoit et exerçoit maistre Jean Durant, nagueres possesseur dudit office pour estre de la nouvelle oppinion et n’avoir satisfait à vos édits, auquel estât il a esté receu par les gens de vos comptes et fait le serment en tel cas requis et accoustumé, et voulans entrer en exercice dudit estât, il a trouvé que vous aviez commis en l’absence dudit Durant, maistre Alain Yeau et autres, pour tenir e conte d’aucuns lieux deppendans dudit estât et office unis, annelez et incorporez à icelluy, qui sont les bastimens du Louvre et Fontainebleau , sépultures des Roys et Roynes, ainsy qu’il appert par vostre édit de Tan 1559. vériffîé en vostre Chambre des comptes cy attaché, au moyen de laquelle commission ledit Reynault doute que ledit Yeau et autres le voulissent empescher en la jouissance

d’icelle suivant ladite commission; à cette cause, Sire, et qu’il appert de la provision dudit Reynault, institution et réception faitte audit estât de finance par luy payée, caution baillée pour cet effet , plaira à vostre Majesté révocquer lesdites commissions, tant pour le regard dudit Yeau que autres, ausquels les pouviez avoir cy devant fait délivrer à quelque personne que ce soit, et en ce faisant mander aux gens de vos comptes les descharger d’icelles et contraindre lesdits commis à luy bailler et délivrer les deniers qu’ils ont et pouront avoir en leurs mains pour le fait de vos bastimens , sépultures et autres choses deppendantes dudit estai et office, ensemble les mandemens non acquitez, pour, par ledit suppliant, en faire le recouvrement et estre employé ainsy que vostre Majesté a ordonné, et outre deschargez en vertu des quittances qui leurs en seront baillées par ledit Reynault; et il sera tenu de prier Dieu pour vostre bonne prospérité et santé. Signé: Reynault.

La présente requeste est renvoyé par devers le conseil du Roy, eslably près la personne de Monseigneur Duc, à Paris , pour faire droit au suppliant , comme de raison fait au conseil dudit Seigneur, tenu à Laudes, le premier de novembre 1569. Signé : J. Huratjlt Deboistaillé.

Estraict des registres du conseil privé du Boy.

Yen au conseil la requeste présentée au Roy par Pierre Reynault, trésorier et payeur des oeuvres, édiffices et bastimens dudit Seigneur, tendant afin qu’il soit ordonné que maistre Alain Yeau , receveur général de Paris, et autres, cy devant commis au payement d’aucuns bastimens en certains lieux et endroits, durant la vacation dudit office, ayent à mettre par devers luy les deniers non employez et mandement

du trésorier de l’espargne non acquitez qui leur ont esté fournis pour lesdits payemens pour faire le recouvrement desdits mandemens, et le tout convertir au fait de son office en deschargeant lesdits commis, tant de leurs dites commissions que desdits deniers et mandemens, en rapportant quittance dudit Reynault seullement, avec coppie de l’ordonnance qui sera sur ce faitte , renvoy de ladite requeste fait par ledit Seigneur, le premier de novembre dernier passé, au conseil privé estaldy près Monseigneur le Duc, pour pourveoir audit Reynault, attendu les urgens affaires qui sont au conseil estant à la suitte de Sa Majesté, lettres de provision dudit office pour ledit Reynault, du 16e may dernier, avec coppie de la quittance pour la finance par luy payée, autre acte de réception et institution par les gens des comptes sur lesdites lettres du 18e de may 1569, autre acte de réception par le trésorier de France, du 4e de juin ensuivant, vériffication d’icelles lettres par le trésorier de l’espargne, extraict des registres de la Chambre du trésor, du 8e de juin, contenant l’acte de la caution par luy baillée, autre extraict des registres de la Chambre des comptes de 1 errection et création dudit office, avec l’union des payemens des œuvres de Fontainebleau et autres maisons y déclarées, et vériffication sur ce faitte par ladite Chambre, du pénultième d aoust 1569. Le conseil, en entérinant ladite requeste, a deschargé et descharge de leurs commissions respectivement ledit Veau, receveur général, et autres personnes quelconques qui ont esté cy devant commis au payement desdites œuvres en certains lieux et endroits durant la vacation dudit office, auparavant la provision dudit Reynault, avec deffences de s entremettre cy après du fait desdits payemens, leur enjoignant mettre ès mains dudit Reynault les deniers, si aucuns restent en leurs mains du fait d’icelles commissions, ensemble les mandemens du trésorier de l’espargne non acquitez, pour estre le recouvrement d’iceux fait par icelluy Reynault, et rap-

portant sur le compte qui sera rendu par chacun d’eux quittance dudit Reynault, tant seullement avec coppie de la présente ordonnance, ils en seront et demeureront quitte et deschargé partout où il appartiendra. Fait audit conseil estahly près mondil seigneur le Duc et tenu à Paris, le 6e de décembre 1569. Ainsy signé : Camus. Et au dos est escript : Le 19e de décembre 1569, le présent arrest a esté monstré et signifié audit seigneur Veau, receveur général y dénommé, aux fins et à ce qu’il n’en prétende cause d’ignorance, et ce en parlant à maistre François de Maillard, son commis, trouvé en son hoslel et domicile situé rue de la Bretonnerie, en cette ville de Paris, lequel a fait responce que ledit seigneur est malade et qu’il luy a communiqué la coppie dudit arrest et n’a fait aucune responce. Auquel sieur receveur parlant comme dessus, j’ay baillée coppie, signée et collationnée à l’original par Fardeau et Perrier, notaires au Chastellet de Paris, ensemble de mon exploit. Fait par moy, huissier ordinaire du Roy et de ses privé et grand conseils soubsigné , les jours et an dessus dits, Ainsy signé : Descoutures.

Compte premier de maistre Pierre Reynault, trésorier et payeur des œuvres, édifices et bastimens du Roy, réparations et entre tenemens d’iceux depuis le 16e de may 1569, jusques au dernier de décembre ensuivant audit an.

RECEPTE

Do maistre Alain Veau , receveur général susdit.

De maistre Pierre de Fitte, conseiller du Roy et trésorier de son espargne, la somme de la receple, 16,038 liv. 15 s. 10 d.

DESPENCE DE CE PRÉSENT COMPTE

Maçonnerie.

A Eustache Jve, maistre maçon , la somme de 1,750 liv., à luy ordonnée par messieurs les trésoriers de France, pour ouvrages de maçonnerie par luy faits au bastiment et maison des Lions, Pallais royal, grand et petit Chastellet, bastiment des pilles et pilliers soustenans les nouveaux ponts levis du Louvre.