Ms. leurs vies et leurs corps mis

Pour louer amis remplis de ceste amour. Qui plus est, Dieu par Amour est soubzmis A tous humains faire ung amoureux tour.

Je ne dis pas que l'homme deshonneste, Fol. 69.

Qui a perdu par fureur la raison

Et n'a désir, sinon que [d'June beste,

Donner au corps tout plaisir à foison,

Que, contre ung tel, Amour, toutte saison,

Ne soit cruel ennemy et contraire,

Et que ses biens ne luy veuille soustraire,

Luy refusant tout ce qu'il luy demande.

Mais sy du mal au bien se veult retraire,

Je luy pardonne et paye son amande.

Vous qui paignez Amour parfaict et beau,

Rien regarder au vif vous ne sçavez :

Il est aveugle et porte ung gros bandeau,

Et ne scay[t] l'on s'il a les yeulx crevez.

Puis ses esles estimer ne debvez,

Par lesquelles sa nature légère

Se void assez, et sa cruaulté faire

L'on congnoist bien aux flèches et quarquois.

Trompée au moings ne serez la première

De celles là qui d'un tel dieu font cas.