SUR LB MIGNON QUI VA DB NUICT

Fol. 83 verso.

Mon esprit, mon cueur et mon corps, Selon ton haultain jugement, Sont si debilles et si morts Qu'ils n'ont aucun soustenement ;

Mais leur foiblesse

En leur tristesse, Purgatoire et pugnition, M'est seure consolation.

Tristesse m'a donné tel heurt,

Par ung importable regret.

Qu'a peu près que le corps ne meurt.

Pour le mal que 1 sent en secret.

L'esprit s'ennuye,

Mais il s'appuye En celluy seul dont son mal vient, Qui en frappant le mal soustient.

Mon cueur, qui ne veit que d'amour,

Est par regret aneanty.

Il se rendit du premier jour

Qu'il eust le coup de mort senty,

Car de sa vie

Luy fut ravie Tout entièrement la moictié, Conjoincte en parfaicte amitié.

L'esprit fondé en la raison Me donne le plus grand tourment, Car en chacun lieu et saison Reveille mon entendement

Et ma mémoire,

Pour ceste histoire Vertueuse ramentevoir De celluy que plus ne puis veoir

Seigneur, qui congnois qui je suis, Je n'ay voix pour a toy crier, Ny parolle trouver ne puis, Qui soit digne de te prier.