I.A MORT ll'.VMol l

liais, pour la foy tant ferme en vous assise, De liber ay, attendant le retour,

De conserver en patience amour.

Vous revenu, je vous esleuz pour juge,

Et n'eust qu'à vous ma foy son seul refuge.

Je \<>us comptay toutes mes passions,

Leurs fondemens et leurs intentions;

Je vous dis tout, sans parler d'un cœur fin,

En vous priant d'y vouloir mectre fin

Et ne laisser mon esperit en trouble,

\\ envers moy user d'un amour double.

Je ne vous puis dire ce que me distes,

Ne les sermens à l'heure que [vous] feistes;

Mais je scay bien que j'y ay adjousté

Si très grand foy, quoy qu'il m'ait cher co[u]sté,

Que, pour du tout croire vostre party,

Mon souspeçon, comme s'il eust menty,

Chassay dehors, avecques jalousie

Et deffience, qui en ma fantasie

N'eurent plus lieu ; du temps je ne feis conte,

Et me deffeis de tous à leur grand honte,

Croyant trop mieulx une seulle parolle

De vous que d'eulx trop plus d'un an de roolle.

Vostre parler je tins pour véritable,

Estimant tant nostre amour honnorable

Que de mes maulx n'avois plus sentement;

Et quand j'ay pris ce ferme fondement

De croire en vous plus qu'en mes ennemys,

Adonc il[z] ont leur double force mys

De se venger du tour, pour eulx infâme,

Que leur avoit faict la foy d'une femme.

0 quel malheur! à vous sont allés droit,

Et là ils ont trouvé le foible endroit.

Et que diray-je? En un seul jour de paine,

Rendue il[s] ont variable, incertaine,

L'oppinion que de moy avez eue.

Las ! vous avez leur parole receue

Comme évangile, en moins de temps qu'un jour;

Et moy, en qui deux ans ont faict séjour,

Parlant de vous les ayant escoutés,

Sans estre creuz les ay bien reboutés.

O prompt à croire et tardif à sçavoir *

Le vray, qui tant clairement se peult veoir,

A vostre cœur receu telle pensée

Qu'à tousjamais j'en demeure offencée.

Est il entré dans vostre entendement

Que dans mon cœur y ait un aultre amant?

Helas! mon Dieu, avez vous bien peu croire

Qu'aultre que vous puisse estre en ma mémoire?

Est il possible ? A mensonge crédit

En vostre endroict, ainsi que l'avez dit?

Pouvez vous bien le croire et le celer,

Sans m'en vouloir ne m'en ouyr parler?

Mais voulez vous, avant ouyr, juger

Innocent cœur très facile à purger?

Estimés vous le cœur meschant et lasche

1. Le Roux de Lincy a fait commencer à ce vers l'extrait qu'il donne de cette pièce (loc. cit., p. CCXLIV). En dehors de ces 54 vers, le groupe de poésies que j'emprunte au manuscrit 5112 de la bibliothèque de l'Arsenal, est complètement inédit.