XLII . Fol. 119 Terso
Pourray je bien ma foible main contraindre De s'essayer sur ce papier escripre L'ennuy que tant j'ay désiré de faindre, Dont le souffrir me plaist mieulx que le dire.
Le diray je, le pourray je descripre Par cest escript? Non, car le pensement En est si grand, que la partie moindre Je n'en sçaurois declairer vivement.
Et qui plus est, le cruel sentement De ma douleur navre mon cœur si fort, Que le penser n'approche nullement Du mal qui faict en moy son dur effort.
SECRET l> AMOUR
L'occasion de ce malheureux sort Kncores m'est si très fort incongneue, Qne j'ay plustost en moy senty la mort Que je n'ay sçeu dont elle m'est venue.
Doncques ma main doit estre retenue D'escripre ce que dire je ne |>uis :
Aussi n'est point ma parolle tenue, Pour dire peu, saillir hors de son huys.
Car mon malheur a tous mes sens reduietz Jusques au rien de parfaicte ignorance, Tant que Testât trop piteux où je suis, Plus je le sens, moins je l'entends et pense.
Las ! moy qui ay fondé en pu rite Vertuz, honneur, l'amour que je te porte, Que diray je, quant je voy fermeté Croissant en moy, en toy trop pis que morte?
Si te perdant elle se desconforte, Qui le premier n'est pas de ses amvs, Ne doy je pas bien plaindre d'autre sorte, Car en nul lieu, fors toy, mon cœur n'ay mys?
S'elle a le sien au tien soubdain soubmis, Du tien soubdain se peult bien destacher; Mais moy qui l'ay à ton vouloir remys, Selon raison, ne m'en puis arracher.
Elle a ton cœur, ce me semble, peu cher, Puisque son dueil vient de perdre ton corps ; Mais, quant a moy, il me doit bien fascher, Quand je le tiens, saichant le cœur dehors.
Si ce luy est un si fâcheux remordz De ton lyen en moy par la raison, Quand je te veoy, quel ennuy ay je lors, Pris et captif en injuste prison?
Si faulse amour, remplie de poison De doulx parler, faict si bien la praticque, Taire et souffrir seront mon oraison, Car vérité ne cherche rhetoricque.
Si elle veult qu'en un livre autenticque Il soit sans fin de son amour mémoire, Et que l'honneur de ton amour anticque Soit à jamais contre toy à sa gloire,
J'ayme trop mieulx mon mal doulcement boire, Que par escript jamais l'on puisse entendre De nostre cas tant malheureux l'hystoire, Fuyant l'honneur que j'en pourrois attendre.
Car vraye amour plustost se tourne en cendre, En s'oubliant, que de faire dommaige A son amy, désirant tousjours rendre Pour paine et mal, honneur et advantaige.
il ( ri i d'amoub •'»,'>7
Las! je ne puis comme elle me venger : Dieu et raison, honneur, vertu, droicture,
Sont les lyens qui font mon cœur ronger A tant t'aymer, quelque mal que j'endure,
Car je tiendrais la paine trop plus dure
De consentir mutation d'amour,
Que la douleur que j'ay, bien qu'elle dure
Par fermeté jusqu'il mon dernier jour.
J'ayme trop mieulx par ton trop maulvais tour
Fortifier amour de pacience,
Que comme toy ne faire nul séjour
En un propos, sans craindre conscience.
Ma loyaulté très juste et raisonnable Surmontera ton infidélité, Et, par celer ma douleur importable, Je couvriray ta grand crudelité.
Jamais de moy ne sera recité
Ton mal, donnant la louenge ;i mon bien :
J'ayme trop mieulx mourir qu'en dire rien,
Laissant parler pour moy la vérité,
En te disant : « A Dieu, amy non myen,
Car riens que moy ne tient plus le lyen
De vraye amour et parfaicte unité.
PATIENCE FoL 127.
Le ciel, la terre, l'eau et l'air, tout m'est contraire, Il n'y a animal, quel qui soit, sus la terre, Qui ne soit contre moy, et n'ay où me retraire, Mais en ung seul j'ay paix au milieu * de la guerre.
