Ms. vinst. — 2. Ms. baisse

Je ne voys plus tel maistre et instructeur :

Le monde m'est comme [un] désert sauvaige.

O coup mortel de mon bien destructeur,

Parquoy n'es tu faict en perfection ?

Frappant le roy de tant de biens auteur,

Parfaicte n'as ton exécution

Entièrement, et n'es de luy vaincueur,

Car pas n'est mort en mon afection :

Frapper debvois avecques luy mon cueur,

Auquel vivant il est et y sera,

Tant que de luy me pourray nommer seur. »

— « Helas ! ma seur, jamais ne cessera

De toy le plainct tant charnel et tant vain :

Escoutte moy et il te passera. »

Ainsi parla ceste voix, mais soudain

Luy respondis : « Passera, non, jamais,

Car ma douleur m'est un savoureux pain.

Puisqu'ainsi est que toy, [sans] si ne mais,

Ne puis plus veoir, larmes, souspirs et cris

Seront mon vivre et agréables mectz.

Tous les plaisirs du monde sont prescriptz

Dedans mon cueur, où tourmens et ennuys

Sont painctz au vif, et gravez et escriptz ;

Courts sont les jours, tristes me sont les nuictz

Pour y penser et pour ramentevoir

Ce qu'oublier je ne veulx ny ne puis. Fol. 4.

Privée suis de l'ouyr et du veoir,

Où je trouvois toute félicité ;

Mais vray[e] amour n'en faict moings son debvoir,

Car elle croist en ma nécessité,

LR NAVIII1.

En réveillant sans cesse ma mémoire

Du tempz passe, tant loing d'adversité.

Je n'avois sceu 06 bien penser ne croire

Qu'amour eust peu j par mort prendre accroissance,

Mais maintenant la chose mYsi notoire.

Ainsi <[ue l'œil a parfaite plaisance,

Voient le bien où son désir repose,

Amour le faict vivre par con<rnoissance,

Ramentevant jusqu'à la moindre chose

Du temps passé de ce roy sans nul vice,

Au cueur duquel vertu fut tout enclose.

Ne seroit ce pas trop grande injustice

Qu'amour mourust qui vivoit en [santé] *,

Quant mort a faict sur luy son dur office,

Sinon aux cueurs luy gardant loyaulté

Ausquelz amour le veult tousjours tenir,

Non comme mort, mais comme plain de vie,

Au temple heureux de cruel souvenir,

Ou sans cesser nature me convie

De contempler cette doulce mémoire,

Dont la doulceur par regret tant m'outrance.

J'ai faict mon cueur ung pappier d'inventaire

Depuis le temps de nostre jeune enfance

Jusqu'à la fin de luy et son histoire ;

Cinquante deux ans, j'ay de sa présence

Tousjours jouy, sans estre séparée :

O importable et doloreuse absence !

Lors ! ceste voix d'[h]armonie parée