Ms. cnnée

Que nature a longtemps père faict vivre,

Laissant ting filz vertueulx et savant. Fol. 19 verso.

Or est ce roy de tous ennuys dellivre ;

Or est son filz en son lieu coronné

Que ses vertus comme luy faict ensuivre.

O roy heureux d'honneur environné,

Je prie à Dieu qu'il te doint l longue vie,

Faisant tout ce que Dieu a ordonné,

Et qu'en sente, contente et assouvye,

Puisse régner, et puis enfin aux cieulx

Par Jesucrist ton ame soit ravie.

Si mieulx pouvoys 2, te souhaitteroys mieulx.

Dieu soit ton tron[e] et te montre sa face,

Par qui ton cueur vivra tousjours joieulx;

Et que [tout] remply tu sois de sa grâce,

De sa vertu, tant que les ennemis

Au monde bas ne trouvent nulle place ;

Que conserver veulle tous les amis,

Fors moy sans plus, que la plus inutille

Et plus t'aymant en ce monde il a mis.

O que la mort a esté bien subtille

Du séparer deux corps en ung tenant !

Las ! elle sçait pour moy trop bien ce stille ;

Mon frère est mort : las! vis je maintenant?

Non, non, je meurs, mais pour me tourmenter

Mort peu à peu ma vie est retenant.

Mon cueur est mort et s'en veult contanter,

Lequel encor vivant tout mort je porte,