Ms. oyseaulx

AMARISSIME.

*Mort qui m'as fait sy mauvais tour D'abattre ma force et ma tour, Tout mon refuge et ma défense, N'as sceu ruyner mon amour Que je sens croistre nuict et jour, Qui ma douleur croist et avance.

*Mon mal ne se peut révéler, Et m'est si dur à l'avaller, Que j'en perds toute patience.

Il ne m'en fault donc plus parler, Mais penser de bien tost aller Où Dieu l'a mis par sa clémence.

AGAPY.

O Amarissime est-ce toy?

C'est toy qui monstre[s] par ton chant

Que vraye amour et seure foy1

Par le temps ne vont2 poinct laschant3.

Las! tu pleures le tour meschant

De la mort, dont plainctes tu faitz.

Par quoy vers toy m'en voys marchant,

Pour avec toy porter le faix.

1. Ms. est. — 2. Ms. va. — 3. Ne se relâchent pas avec le temps.

COMEDIE SUH LE TRESPAS DU IlOY

Secueus chante sur le chant :

« Las! voulez vous qu'une personne chante De qui le cucur ne fait que souspirer. »

Ma triste voix plus rien que dueil ne chante, Aussi mon mal ne faict que s'empirer.

Rien je ne voy qui mon esprit contente, Et ne peult plus mon cueur que souspirer, Nul mal ne crainctz et nul bien désirer Je ne puis plus, fais-moy1 pleurer, ma Muse. Pour desplaisir du tout ne retirer, Ce mestier [là] veux faire sans nulle excuse.

amabissime.

Areste toy, Securus, car j'escoutte

Voix qui me faict d'un berger souvenir,

Voire si fort que sans en faire doubte,

C'est Agapy, je le veux soubstenir.

Si je savois où il se veult tenir,

Luy envoirois mon esclave estourneau

Et le prierois jusques icy venir,

Pour regretter Pan mis soubz le tombeau.

Agapy chante « Je vous supplie, oyez comment En amour ic suis mal traicté ».

Ma douleur, [trop] grande au dedans, Du cueur ne peult sortir dehors,