Ms. à — 2. Ms. et non mort. —3. Job, II
Comédie jouée au Mont de Marsan, le jour de cakesme prenant mil cinq cens quarante sept , a quattre personnages, c'est assavoir la mondainne , la super- STITIEUSE, la Sage et la Raine de l'amour1 de Dieu,
BERGERE
la mondainne commance2.
J'ayme mon corps, demandez moy pourquoy :
Pour ce que beau et plaisant je le voy;
Quant à mon ame qui est dedans cachée,
Je ne la puis toucher d'oeil ny de doy,
Ce m'est tout ung, poinct n'en suis empeschée.
Ame soit ame à qui l'a bien cherchée,
Mon corps est corps, je le sens vivement.
S'il a du mal, j'en suis toutte fâchée,
S'il a du bien, j'en ay contantement.
Je le pare et dore,
Acoustre et décore
De tous ornemens.
Je le painctz et farde,
Remire et regarde
Voire à tous momens ;
De le tenir sain,
C'est tout mon desain,
Car je veulx qu'il vive.
1. Le ms. porte labour qui est évidemment un lapsus du scribe; du reste, la bergère est appelée plus loin la « reine de l'amour de Dieu ». — 2. F° 38.
De melencolie Et de maladie
Pour luy suis craintive.
Je luy cherche joye
Et ne veulx qu'il voie
Rien qui luy desplaise.
Honneurs pour luy chasse
Et biens luy pourchasse
Pour le tenir aise.
Et tout le plaisir
Que l'œil peult choisir,
Au c[u]eur je le donne,
Tant qu'il en peult prandre :
À ce veulx entendre
Sans aymer personne.
Bref, tout mon penser
C'est de l'advencer
En plaisir parfaict ;
Par penne non grande,
De ce qu'il demande
Le rendz satisfaict.
la superstitieuse chante :
Je m'en vois faire ung voiage, De bon cœur et bon couraige :
C'est un sainct pelerinaige De Marie et son enfant, Qui de mal et toute rage Le vray pellerin'deffend.
Puis elle dict :
Le chemin long m'a agravé[e] aux piedz, Dont ma personne est sy très fort grevée Que j'en sens bien des douleurs non petites ; Mais quant j'ay bien mes pennes esprouvées, Doulces en moy doibvent estre trouvées, Veu que j'acquiers par elles gros mérites. Tant aise suis quant ay mes heures dictes Et mon saultier de1 cent cinquante Avez. Cestuy [rosaire] est du Mont des Hermittes2, Dont plusieurs sont en le disant sauvez.
Des oraisons m'ayde
De [la] saincte Bregide,
Qui révélation
Eut de tout le torment,
Que souffrit justement
Christ en sa passion.
De tous sainctz, oraisons
J'ay pour toutes saisons,
Pour garder et guérir
De tous dangiers et maulx,
D'ennuis et de travaulx,
Que3 je puis encourir.
Puis voici ma neufvaine,
Qui n'est pas chose vainne.
Voiez ces neuf chandelles :
1. Et serait peut-être préférable. — 2. Ms. Cestuy est delmoy des Hermittes. Il s'agit probablement soit du mont Carmel, soit d'Einsiedeln (N.-D. des Ermites). — 3. Ms. ou.
S'elles sont allumées Et que droict les fumées Voy monter au ciel d'elles, Je sçay que ma prière N'est pas mise en erriere, Mais est receue aux cieulx.
De ces trois qui sont blanches, Je les garde au dimanche Dont j'espère bien mieulx.
Bref, pour sauver mon ame, Par eau, par feu et flame, Kspargner je ne veulx.
Le corps d'une ame saincte, Quant la vie est estainte, On luy porte des veulx1.
LA MONDAINNE cluintC .'
Il est jour, dict l'alouette :
Sur bout, allons jouer sur l'herbette 2.
Puis elle dict :
Or sus; puisque je suis coiffée, Je croy que ma journée est faicte.
En est il de mieulx estoffée, Ny en beauté aussy parfaicte ?
Puisque je me sens satisfaicte
1. Quand une personne meurt en odeur de sainteté, on l'honore, on lui porte des vœux ; elle devient l'objet d'un culte : c'est là une perspective qui, aux yeux de la Superstitieuse, justifie toutes les austérités. — 2. V. l'Appendice A au sujet de cette chanson.
De moy, en parle qui vouldra ; Leur bouche en demou[r]ra infecte, Et qui pis est ne m'en chauldra.
LA SUPERSTITIEUSE
Glorieuse Vierge Marie,
Et que le c[u]eur au corps me bat !
Celle qui deust estre mar[r]ie,
Et contre elle prendre combat1,
Prent son plaisir et son ébat,
Comme le porceau dans la fange>
À faire en péché son sabat
Par sa paresse ; ô cas estrange !
LA MONDAINNE.
Mais où va ceste pèlerine,
Qui me semble si foible et lasse ?
Au chemin par où je chemine, La mondanité point n'y passe.
LA MONDAINNE.
Vous tenez bien la teste basse :
Je croy que vous jurez sans faulte.
LA SUPERSTITIEUSE
Mais à vous, mocqueresse agasse, Set2 mal de la tenir sy haulte.
1. Celle qui devrait être plongée dans l'affliction et n'avoir d'autre souci que de se combattre elle-même. — 2. Sied.
COMEDIE JOUÉE AU MONT DB MAItSA.N 71
LA MONDAINNB.
Je levé ma teste,
Et mon corps honneste
A chascun je montre ;
Il est beau et doux,
Et tenu de tous
Pour bonne rencontre.
LA SUPERSTITIEUSE
Vostre corps de chair
Estimez trop cher :
Ce n'est que charongne.
11 te fault mourir :
Qui qu'en parle groigne.
LA MONDAINNB.
Ha ! mes beaulz yeux vers
Norriture à vers
Ne deviendront poinct.
LA SUPERSTITIEUSE
Vous ferez ce sault ; Mourir il vous fault, C'est le plus seur poinct.
LA MONDAINNB.
Ceste mort rebelle Sy june et sy belle Ne m'oseroit prendre.
LA SUPERSTITIEUSE
Nul de sa main forte, Quelque arme qu'il porte, Ne se peult deffendre.
LA MONDAINNE.
Poinct n'y veulx penser, Mais mon temps passer Sans ce dur remort, Durant ma junesse ; Puis après, vieillesse Finira par mort.
LA SUPERSTITIEUSE
La mort n'a nulle heure, Ny ne faict demeure Pour force ou junesse ; Soudain vous prendra.
Donc ne vous fauldra Fier en vieillesse.
LA MONDAINNE.
Puisque ainsy est que demain je mou[r]ray, A belle bride abattue je cou[r]ray A tout plaisir, dourmir, manger et boire ; Et passeray mon temps si plaisamment, Que j'auray eu parfaict contentement Avant le jour de la dame tant noire.
COMEDIE JOUÉE AU MONT DE MAItSAN 73
LA SUPEKSTITIEUSE.
Non, non, ma seur, inicnlx vanlt faire cecy :
Pour vain plaisir prenez peine et soucy,
En obliant pour l'ame vostre corps.
Quant est du mien tous les jo[u]rs [je] le tue,
Car pour gaigner paradis m'esvertue,
A tout le moings j'y faictz tous mes effort/.
la sage commance.
Dieu a bien faict ung très beau don à l'homme
De luy donner raison, savez-vous comme?
Comme a ung ange. Est-ce pas don honneste?
Par la raison il assemble et assomme,
Aymé et congnoist les vertus et les nomme.
Par la raison il diffère à la beste ;
Dieu luy a mis en hault regard et teste
Pour contempler ce qui est par sur luy * ;
La beste en bas à la terre s'areste,
Et l'homme en hault, dont vient tout son appuy.
L'homme raisonnable
Est faict agréable
A Dieu et au monde ;
Dieu croit, ayme, adore,
Loue, prie honore2;
Là son esprit fonde.
Quant à son prochain,
Le bon c[u]eur, la main,
1. C'est la traduction des vers célèbres : Os homini sublime dédit, etc. — 2. Ms. et honore.
Mect à le servir.
Ce qu'il doibt il paie, Et a tousjours joye A vertus suivir.
LA SUPERSTITIEUSE
Ma mie, voilà un propos Qui est a [u] vostre différant.
Elle vit en ung grand repos :
Oions qu'elle va référant.
LA MONDAINNE.
Mais allons à elle1 en courant, Et luy declairons toutte chose.
A la veoir il est apparent Qu'elle entend la rime et la prose.
LA SAGE
Voilà deux dames bien contraires A leurs avis, venans icy ; Entendre fault de leurs affaires.
LA SUPERSTITIEUSE
Madame, la Bonté sans si1 Vous doint bon jour.
LA SAGE
Hé, grand mercy, A vous deux j'en désire aultant2.
