Allusion à la parole de l'Evangile
COMBD1B JOUÉE AU MONT DE MAIISAN 87
Que ne suis paillarde ou meurtrière1 ;
J'en loue le Dieu de bonté,
Pour lequel mon corps j'ay dompté
Tant qu'il ne se peult soubstenir.
Je le bas, je le fais jeusner
Et en voiage cheminer,
Et de tous plaisirs abstenir.
LA SAGE
N'espérez pour ce rien gaigner, Pour vostre corps en sang baigner, Ou faire sur le feu rostir ; Car, si vostre cueur n'est joieulx Et charitable et amoureux, A Dieu ne faictes que mentir.
Dieu regarde -du cueur le fons.
Voz peines, voiaiges et dons Faictz sans charité il desprise.
Car luy qui est d'amour vray Dieu Veult le cueur brusler de son feu, Ainsi qu'[h]umilité le brise; Car, s'il n'est bien humilié Et par amour à luy lié, Rien ne sert vostre barboutter; Et si en Dieu ne vous trouvez Et sa présence n'esprouvez, Vous avez beau partout trotter.
Et voiez vous ceste mondaine
I Ms. Que je suis pallard ni meurtrière.
Qui à bien faire n'a prins peine?
Je dy que son péché infâme, Duquel elle a la congnoissance, A par humilité puissance Estre de Dieu amye et femme ', Voiant Celluy qui luy pardonne, Elle l'ayme d'une amour bonne Et d'une charité ardante.
Elle est plus près de Dieu toucher Que vous qui cuydez [le] chercher Par une fidélité lante.
LA SUPERSTITIEUSE
La loy de Dieu est icy nulle :
Celluy va tost qui se reculle, Et qui faict bien il a mal faict K Il faut donc à la chair complaire Et plus nulle bonne œuvre faire, Et suivre le plus imparfaict.
LA SAGE
C'est orgueil qui vous faict parler.
Je vous dis qu'il vous [fault] aller Le chemin des commandemens, Et faire bien sans vous lasser,
1. Il semble que Marguerite ait usé ici de la" figure appelée métonymie. La Mondaine, malgré son péché, est susceptible, par son humilité et par la conscience qu'elle a de sa faute, de devenir agréable à Dieu. — 2. C'est-à-dire : tout est renversé.
Et de prier ne vous passer,
Remémorant les Testamens.
Mais si vostre cueur n'est bien net
D'orgueil, et une tache en ayt,
Je dis que peu vault vostre ouvraige.
Le cueur doux, humble et charitable,
A seulement Dieu agréable ;
Aymer le fault de bon couraige.
Mais vous qui jugez le péché
Dont vostre cueur est entaché,
Je dis que vous avez besoing
De premier avoir la science
De juger vostre conscience,
Ou de Dieu vous estes bien loing.
LA SUPERSTITIEUSE
Plus tost ma langue en ung feu ardre, Que je me confesse paillarde, Moy qui suis chaste devant tous, Et qu'homicide nul ne nomme1, Qui n'ay frappé ne tué homme, Mais plustost j'ay souffers des coups.
LA SAGE
Ma mye, je ne vous puis taire Qu'il n'est nul[le] pire adultaire Que celle qui l'espoux délaisse
1. Le ms. porte : Ne quomicide je me nomme, qui est sûrement une fausse tmnscription.
Et ayme son contraire et suict, Et sa faincte doctrine ensuict.
Et soubz luy s'incline et abaisse.
LA SUPERSTITIEUSE
Mon mary je ne laissay oncques, Dont veufve [je] demeure adoncques, Ny n'ay suyvy autre que luy.
Le vray mary, le Dieu puissant, Ne l'allez vous pas délaissant, Mectant en autre vostre appuy ?
En autre que luy vous fiez, En espérant édifier Vostre salut, plaisir, honneur ; Et luy, qui est le Dieu jaloux, Ne veult autre amy et espoux.
Mectez donc en luy vostre cueur1, Car tout vostre cueur veult avoir, Vostre vouloir, vostre pouvoir, Il le veult luy seul posséder, Et ne vous permect le cueur mectre En mary, enfans, père ou maistre ; Le cueur à nul ne veult céder.
J . Le ms. porte : Ayez ou mectez vostre cueur, qui ne présente aucun sens plausible. Le contexte indique suffisamment la correction la plus naturelle.
LA SUPERSTITIEUSE
Dieu ne nous a il pas permis D'aymer noz enfans et amys?
Autrement serions pis que bestes.
LA SAGE
Si vous aymez, comme il commende, Le bon Dieu, à vostre demande Trouverez les responses prestes.
Car en l'aymant parfaictement, Vostre prochain pareillement Aymerez, voiant en luy Dieu :
Ainsi aymerez Dieu haultain Et aymerez vostre prochain, Voiant Dieu en luy en tout lieu.
Ceste doctrine m'est bien dure.
LA SAGE
Or, me lisez ceste Escripture Où vérité se faict entendre.
LA SUPERSTITIEUSE
Madame, je suys [jà] trop sotte Pour chanter de si haulte notte :
Certe, je n'y puis rien comprandre.
LA SAGE
Ma mye, lisez hardiment
Le viel et nouveau Testament
Que vous a laissé vostre père.
LA SUPERSTITIEUSE
C'est à la personne savante, Mais moy qui suis tant ignorante, Cela me seroit impropere.
LA SAGE
Si vous fuyez la médecine,
Qui vous peult guérir la racine
De vostre mal, [vous] estes morte.
LA SUPERSTITIEUSE
Bien que malade ne me sens, Toustesfoys à vous me consens.
LA SAGE
Lisez la1 donc de bonne sorte > Pour guérir vostre maladie.
Lors, ne soyez plus si hardie De dire que vous estes saine, Mais quant vostre mal aplanté Sentirez, alors la santé Vous y trouverez toute plaine.
1. Lisez cette Ecriture. Le ms. porte laissez la qui ne saurait s'expliquer.
LA SUPEKST1TIEUSE.
Lire je veulx pour vous complaire *.
LA SAGE
C'est le mirouer qui esclaire Voz cueurs, et [puis] qui les descouvre. Grande joye j'ay de vous deux Veoir lire en ces livres si neufz, Que neufves serez en ceste euvre.
