Ms. avoit. — 2. Ms. Ne

LUS I'HISOXS DE I.A REINE l)K NAVAItlIB

Que le parler et le regard des yeulx,

Amour de plus avoir ne vous tenta,

De bov, sans plus, vostre cueur contanta.

Aussi le vray amour ' a tel povoir

< hic qui le peult parfaictement avoir

Kl en remplir son cueur entièrement,

De nul désir ny crainte n'a tourment;

Qui a désir de myeulx et de pis craincte

N'a jamais eu d'amour la vive attaincte;

Mais cest amour se peult dire ydolatre,

Ung mal si grand, qu'il n'y a nulle emplastre

Par qui jamais sceust bien estre guery,

Ny le plaisir effacé ou pery.

Vous le sçavez, marché avez ce pas :

Confessez donc, et ne le celiez pas,

Que, sans avoir du soleil la lumière

Qui vous monstra muable et mensongère

Celle que tant ten[i]ez loyalle et ferme, Fol. 285 verso,

Jamais n'eussiez sailly hors de ce terme.

Myeulx vous valust prisonnier estre encores,

Ainsy qu'estiez, que comme vous voy ores;

Car excuser nature ne vous peult,

Mais qui pis est de vous elle se deult,

Veu qu'en vous n'a nulle inclination

Qui veoir vous face en la tentation

Où je vous voy lyé, pris et captif3,

Plus que devant malheureux et chetif.

1. Ms. Aussi de viay amour. — S. Vu qu'il n'y a eu vous aucune disposition à examiner votre triste situation.

Ce vain honneur où vostre cueur aspire

Est un tirant de tous autres le pire ;

Lyé vous a si fort qu'il vous fait croyre

Que, pour lesser de vous quelque mémoire,

Fault pourchasser de monter le plus hault

Que vous pourrez, sans peur de faire ung sault ;

Le bien vous monstre et le mal il vous cache,

Vous delyant d'un mal il vous attache

A ung plus grand qui est l'ambition,

Concupiscence et vayne affection.

L'honneur est bien digne d'estre estimé,

Mais s'il est vain, il doibt estre blasmé ;

L'honneur est vain s'il n'est au cueur planté

Et par vertu engrané et planté,

Mais ung désir de vertueux paroistrc ',

Et la vertu ne faire en son cueur croistre

Et demourer au dedans vicieuz,

Fol glorieux et sot ambitieux;

Cest honneur là deshonneur se peult dire,

Qui peu à peu par désir l'homme tire

Et du possible au premier jeu le tempte, Fol. 286.

De l'impossible à la fin le tourmente,

Car plus son feu fait croistre et augmenter,

Plus fait le cueur bruller et tourmenter ;

Vous n'avez pas si peu son feu senty

Que ne puissiez sçavoir si j'ay menty.

Ambition et avarice aussy,

Et le vilain plaisir ord et noircy,

1. L'honueur est vain, s'il n'est qu'un désir de paraître vertueux.