Ms. publique
LIS PRIhOKR »K I.A IIKINK DR NAYAHIU: 175
<( Soilbz qui pitié convie ses crUflllltez,
« Et si est tant délicat et subtil
« Que vostre cueur, tant soit fort et gentil,
« Rend ' par foiblesse à terre humilié
« Et à sa chair pris, collé et lyé,
« Si finement que jamais n'apperçoit
« Là où il va jusqu'à ce qu'il y soit;
« Et qui pis est quant il y est, il pense
« Que son malheur ne soit que jeu ou danse,
« Et ne crainct rien, sinon le départir
« Du mal auquel il vit joyeulx martir.
« L'autre lyen, qui vous tient par les yeulx,
a Sans vous souffrir de les lever aux cyeulx,
« Il est d'or fin, si bien fait et si riche,
« Que vostre œil plus qu'en ung lieu ne se fiche2,
a Soit au prouiht, à la richesse ou gaing,
« Sans regarder ny Dieu ny le prochain,
« Bien que richesse, or et argent, Dieu fist
« Pour en user, et non pour le prouffit
a Particulier ; mais, en lieu d'en user,
« Ce fort lyen vous en fait abuser,
« En vous ostant la joye de ce monde,
« Pour ne veoir plus avarice l'immunde3.
« Le tiers lyen est tout fait d'escarboucles
« Et de rubiz enchâssez dans des boucles
« De fin acier et de très puyssant fer,
« Qu'orgueil a sceu forger et estoller
l. Que ce lieu rend votre cœur. — 2. Que votre œil ne se fixe plus que sur une seule chose. — 3. Il faut sans doute comprendre : pour vous empêcher d'apercevoir l'immonde avarice qui vous possède.
« Aveques tant de diverses figures, Fol. 290 verso
« Qu'en ces lyens sont toutes les peinctures
« Qu'au monde on peult et désirer et veoir :
« Royaulme, empire, et leur force et povoir,
« Sceptre, couronne et chapeaux de lyerre,
« Riches trop plus que celluy de sainct Pierre,
« Harnoys, armetz, espées, croix et croces,
« Les uns painctz platz, les autres en grosses bosses ;
a Puys tous honneurs qu'au monde l'on demande,
« Tant que la corde est si longue et si grande
« Que vostre corps, teste et piedz, environne,
« En vous servant de manteau, de couronne,
« De gandz, souliers \ et piedz et mains et teste
» Vous tient lyé, et vous en faictes leste,
« Et l'estimez ung honneur honorable,
« Lequel vous rend à la beste semblable,
« Ayant perdu de conserver l'estude,
« La belle ymaige et la similitude
« De vostre Dieu, pour lequel fustes l'ait.
« Mais vostre orgueil vous a du tout deffaict
« Pour ces lyens au vray appercevoir.
« Je vous requiers : faictes vostre debvoir
« De livres veoir et tant estudier
« Et requérir, chercher et mandier,
« Que les vertuz qui dedans sont encloses
« Devant voz yeux soient du tout descloses.
« Vous en verriez de diverses estofFes,
« Car en voyant les dictz des philozophes
« Et leurs beaulx faictz, et comme desprisé
« Hz ont le monde, et cassé et brisé
lis puisons DE LA I1IHB i>k navahhi. 177
« Tout leur vouloir, n'estimant nulle gloire i ,,i. j.h.
« Telle qu'avoir de sov inesme victoire.
« Non seulement ilz ont fouy les vices,
« Les gratis honneurs mondains, les avarices,
■ Mais ont la mort prise de bon couraige,
« En mesp lisant les douleurs du passaige.
« Lisez après les histoires romaynes,
« Greques aussy, et vous verrez les peynes
« Que l'on a prins pour vertuz aquerir
» El pour le vice aussy faire périr :
« La chasteté y verrez adorer
« Et la prudence et la force honorer,
« La charité, la magnanimité,
« La passience et longanimité ;
« Les vicieux vous y verrez blasmer,
« Les vertueux en tous lieux estimer.
« Si plus avant voulez faire lecture,
« Prendre vous fault ceste Saincte Escripture,
<( Où vous verrez ce qui est commandé
« Et défendu de Dieu et demandé ;
« De vertueux le nombre y est bien ample
« Et Jesuehrist y est mys pour exemple.
« Là il vous fault œil et corps arrester,
« Et vostre cueur ouvrir et apprester
« Pour recevoir ceste doctrine saincte,
« Où les vertuz pourrez trouver sans fainete,
« Par qui seront rempliz voz vicieux
« Lvens, que tant trouvez délicieux. »
— « Ilelas ! Seigneur, qui tant bien m'aprenez
<( Et de mes maulx et vices reprenez,
« Je n'ay povoir de vous dire de non,
« Mais voluntiers je sçauroys vostre nom, f01. 291 vers
« Affîn d'avoir à jamais la mémoire
« De voz bienfaictz, et vous en donner gloire. »
Ainsy luy diz. Lors il me respondist :
« Il sera (aict ainsy que tu l'as dict.
« Amy, j'ay nom de science Amateur,
« Je te requiers de m'estre imitateur :
« Tenez, voyez, contemplez et lisez ;
« Jje mal laissez et le bien eslisez
« Que cy dedans ces livres vous verrez ;
« Heureux serez quand mon conseil croyrez.
« Destournez vous du monde et de sa pompe,
« N'endurez plus qu'ainsy vous lie et trompe. »
Moy qui estoys presque à demy gaigné,
En l'escoutant ma veue n'espargnay1
Et, pour le veoir myeulx à mon gré, m'assis,
En oubliant luy dire : « Granmercis ».
Mais plus avant lisoys en chacun livre,
Plus me trouvoys de mes lyens délivre,
Et me sentoys peu à peu deschargé
Du faix pesant, qui m'avoit submergé
Au plus profond de l'abisme infernalle,
Où mon soleil, ny estoille journalle
N'apparoissoit; mais amour de science
Me fist de moy congnoistre defïîance
Et veoir au clair le vice en sa laideur,
Dont je sentiz telle horreur et hideur,
