M s. Sous le mal qui

Toy me s me, Sire,

Te plaise dire A toy ce que dire je doy, Parle, prie et respond pour moy.

Helas, monseigneur Dieu, De ton céleste lieu Veulle escouter mes plainctz, Car à toy me complains.

Helas ! perdu je suis, Par quoy viens a ton huys Te demander du pain :

Helas! je meurs de faim.

Las ! moy, pauvre ignorant, Requiers le demeurant Des infâmes morceaux Que laissent les pourceaulx.

J'ay mis tout mon désir En richesse et plaisir, Et a l'ambition Est mon afection.

J'en ay beau avaller, Je ne m'en puis soulier,

Fol. 84 verso.

Car plus m'en fais avoir, Plux j'en veulx rccepvoir.

En ce désert bruslant, Suis criant et volant, Jamais mon mal n'a fin, Tant est mon tempteur fin.

Nul que toy n'a pouvoir D'ayder et [de] pourvoir l Au pauvre soufreteux. Helas sois moy piteux.

Père doulx et humain, Estend vers moy ta main, , Qui seulle peult guérir, Ou je m'en vois mourir.

Ou dis tant seullement Que grâce entièrement Me donnes et pardon.

Helas ! fais moy ce don.

O Dieu, qui es en hault, Tu sçais ce qu'il me fault, Mieulx que moy la moictié, Las ! prens de moy pitié.