Ma. jurer. — 2. Ms. non louer

Que tu n'aurois d'aultre amour souvenance,

Tous tes amis et ton corps laisseroys ;

Je dy d'amour que la vertu mérite,

Non de celluy, dy je1, qui fut des roys2. »

— « Dieu t'a osté frères et sœurs venuz

Premier[s] de toy 3, fors un qui gloire hérite ;

Dont de louer Dieu nous sommes tenus,

Qui a voulu de ceste heureuse race

Nous donner ung dont [fussions] soubstenuz 4.

O vray amour, qui 5 toutte chose passe,

Soullage ung peu le cueur de ceste dame,

Afin qu'après ses amis ne trcspasse.

Las ! de pleurer père et frère ne laissez :

L'on n'oscroit en dire ung mot tout seul

Qu'incontinent le pleur dehors ne passe.

Je ne t'apelle à faire ce grand deuil 6,

Car de pleurer tu es le vray exemple.

Ton triste cueur se void bien par ton œil,

Mais pour ce deuil randre parfaict et ample,

Venez, Madame7, et vous n'aurez pas tort Fol. 15 verso.

De faire honneur à son sépulcre et temple ;

Bien que soit au ciel ton père vif et fort,

Pleurez sur vous et nous qui le perdons.

Tant que vivrons en ce val plain de mort,

Au ciel reçoit les loiers et guerdons

Qu'a mérité pour luy la passion

1. Ms. Que dis-je ? — 2. Ms. qui fut nect. La leçon des roys a été ajoutée par le correcteur. — 3. Ms. que, — 4. Il s'agit de Henri II, à qui, du reste, est adressé l'appel qui suit. — 5. Ms. dont. — 6. Marguerite s'adresse à son neveu. — 7. La reine Catherine de Médicis.

De Jesuchrist, plaine de tous pardons.

Son cueur, sa foy et sa dévotion

Il avoit là, dont maintenant il treuve

Le fruict de foy et de dillection.

Il est vestu de ceste estolle neufve,

Lavée au sang éternel de l'aigneau,

Uny à luy sans que plus il se meuve :

Que pleurons nous donques sur son tombeau?

Quoy ! nous pleurons nostre jour sans soleil,

Et nostre nuict sans lumière ou flambeau !

Quoy ! nous pleurons TAmy, le non pareil

Que nous eussions, car c'estoit ung tel père *,

Lequel voions en terre prandre sommeil ;

Bien que l'esprit au ciel joieulx prospère,

Le corps perdons, lequel estoit vivant

Seul père à toy et à moy tout seul frère,

Le meilleur roy qui fut onc par avant,

Mieulx aimant Dieu et son prochain sans fainte,

Et en tous ars et sciences sçavant.

Or a la mort ceste personne estainte

Que Dieu avoit faicte en perfection,

Et avec luy a frappé maint et mainte.

Je prie à Dieu que consolation

Donne à ton cueur, et du tout te pourvoye

A ton desir et juste intention.

Roy, filz de Roy2, qui prend plaisir et joye

A te monstrer saige et vertueulx prince,

1. Ms. car à ce est ung tel père. — 2. Apostrophe directe à Henri II.

Afin que tel que ton père on te voye ! Fol. 16.

Entre ses mains te fier 2 en sa garde,

Et luy tout seul par foy embrasseras. »

— « De l'embrasser certes l'heure me tarde,

Luy respondis, mais quoy ! de toblier

En bonne foy, monseigneur, je n'ay garde.

N'est ce pas luy qui a voulu lier

Mon cueur à toy, parquoy son ordonnance

Je veulx tenir et m'y humilier ;

C'est luy, c'est luy, qui m'a mise en la dance

Du grand Helas ! Icy veulx bien dancer,

Car ce dancer mon bref chemin advance,

Qui peult tourner mon cueur et mon penser,

Fors luy qui est de mon cueur formateur,

Qui peult tout mal en bien recompanser.

Bien heureulx sont, a3 dict ce grant Docteur,

Ceulx qui pleurent, car consollation *

Au double auront5 : tel maistre n'est menteur.

Bien heureuse est ma désolation,

Heureuse moy, quant je l'auray portée

Jusqu'à ma fin et consommation,

Car je seray de luy reconfortée.

Ainsy le croy, puisqu'il le m'a promis,

Car en mon pleur ne suis poinct transportée;

A son vouloir mon esprit est soubmis,

Ma voulonté se range toutte entière,

Mais il veult bien qu'on pleure ses amis.

t. Il doit ici manquer deux vers — 2. Ms. feier. — 3. Ms. se. — 4. Ms. par consollation. — 5. Ms. amour.

Helas ! Hclas ! j'ay de pleurer matière,

Non pas sur toy, mon frère, qui es bien,

Mais que ton corps est enclos en ta bière ;

Quelle est ta perte et quels maulx et combien

On amendra non seullement en France, Fol. 16 verso.

Mais par tout lieu qui se nomme crestien !

Criez, ma voix, jusqu'à sa demourance ;

Pleurez, mes yeux, jusqu'à saillir dehors,

Car de malheur je vois grand apparence.

Sur moy je pleurs, et sur foibles et sur fors,

Sur la noblesse et le peuple et l'église,

Qui doibvent bien de pleurer faire efiortz.

Pleurez labeur et pleurez marchandise,

Pleurez les bras et la vertu des armes :

Àveques vous je pleure en toutte guise.

Pleurez l'honneur et l'estime des dames;

Pauvres, pleurez sa libéralité,

Pleurez trestous, austant hommes et femmes.

Pleurez doulceur, pleurez l'humilité,

Qui en son cueur ont faict * maint bel ouvraige

À son salut et nostre humanité ;

Pleurez, pescheur qui n'a pas été sage,

Pleurez, pleurez vostre humain pardonne[u]r,

Qui n'eut jamais venj[e]ance en son courage ;

Pleurez de grâce de loyer le donneur,

Pleurez, guerriers, celluy qui, par son bras

Victorieulx, vous a tant faict d'honneur.

Or est ce corps en mortuaires draps,