On pourrait lire aussi exi[s]ter
428 DERNIÈRES POESIES DE MARGUERITE DE NAVARRh
Certes debvoit contre la mort cruelle,
Luy refusant de vie le respit.
Le roy mourant par ung amoreux zelle
Le roy vivant entre ses bras retint,
Le bénissant de sa main paternelle,
A celle fin qu'à jamais luy souvin[s]t
De cest amour dont le feist1 héritier,
Et qu'en son cueur ferme tousjours la tin[s]t
Pour aimer Dieu, lequel peult chastier
Austant ung roy qu'ung pauvre laboreur,
De cest amour tout le monde a mestier;
Aimer justice aussy, sans [la] faveur,
Ne prefferant jamais le grand au moindre,
Aiant l'œil droict, au juger sans erreur,
Aimant les siens d'amour qu'il ne peult faindre,
Comme os de ses oz et chair de sa chair,
Se faisant d'eux honorer, aimer, craindre,
Servir aussy, sans jamais se faicher;
De son roiaulme et pour le conserver
N'espargner 2 rien pour ceste forteresse ;
Aimer la paix et, pour elle observer,
Garder la foy aux princes estrangiers
Par vraye amour, sans hayne reserver;
Aymez, aimez, évitant les dangiers
Que guerre amenne par sa malheur[e]té, Fol. 19.
En ruinant villes, chasteaulx, vergiers.
1. Ms. le filz. — 2. Ms. N'espargnez. Il est difficile de se rendre compte si l'incidente sans jamais se faicher se rapporte aux mots qui la précèdent ou a ceux qui la suivent. Il y a lieu de penser qu'il manque ici un vers, qui fournirait la rime de forteresse.
Les euvres font tenir en seureté
Roy et subjectz, pourquoy les iault aimer
Et en user par sens et par mérite.
Joustes, tournois sont bien à estimer
Pour exercer aux armes la j[e]unesse
Que Ton y doibt souvent accoustumer.
Aimez aussy le sens et la sagesse,
Le bon conseil, bien expérimenté,
En honorant vertueuse vieillesse ;
Aymer sçavoir, dont l'homme est contante,
Les gens sauvés, les lettres, dont François
De son royaulme l'honneur a augmenté ;
Aymer l'honneur par dessus tout le choix
De vie et biens, car pour luy les fault mectre :
Ce que feras, nulle double n'en fais.
Ainsy l'amour innée ! du grand septre,
En t'embras[s]ant, au fondz du cucur t'a mise
Cclluy qui fut ton père et nostre maistre.
O heureux filz qui ta teste as soubzmise
Et ton voulloir soubz ceste doulce main,
Qui sur toy fut par ton bon père assize;
De son doux cucur amoureux et humain
Es héritier, de son cucur libéral,
Du cueur aimant son Dieu et non en vain.
O père heureux qui le septre roial
Laisse à ton filz auquel tu es vivant,
Le bénissant d'un amour cordial.
Heureux départ, quant celluy va devant
