EPISTRE DR LA ROYNE A MADAME
Ung son piteux qui me donna merveille.
Je me tournay1 et deçà et delà
Pour mieulx sçavoir le lieu d'où vient cela.
Mais je ne vis arbre, branche ny feuille,'
Qui doulcement d'un accord ne se dueille.
Et a leur son les petites fontaines
Ont respondu comme esgalles [en] peines,
Avecques eulx la voix de la rivière,
Qui s'eslevoit2 par si doulce manière,
Que j'ouys bien son amoureuse3 voix;
Mais ung seul mot entendre ne sçavois.
Mon couvre-chef je prins à destacher
Et mon oreille ouvrir et approcher.
La j'entendis ung mot piteux et bas
De toutes ces voix redisant : a Helas !
Helas! Helas! or, l'avons nous perdue?
Las! dessus nous ne torne plus sa veue
Ceste beaulté qui nous embellissent,
Ceste vertu qui nous resjouyssoit,
Ceste doulceur adoulcissant nos fruietz ;
Or, sommes nous sans elle tous destruietz*. »
Si je senty de toute créature
Un tel helas, croyez que ma nature
Ne peust souffrir d'oyr le demourant.
Mais m'en revins en ma chambre courant,
Avecques eulx criant : « Helas ! mon Dieu
Ramené tost en ce désolé lieu
Celle que tant ciel et terre regrette,
Et que revoir incessamment souhaitte. »
1. Ms. trouvay. — 2. Ms. qui est oit. — 3. Ms. V amoureuse. — \. Ce vers ne se trouve que dans le ms. 883.
Epistre de la Royne de Navarre a Madame l'abbesse de Fontevrault1
Le seul Amour qui n'a bandeau ny arc, Le vray pasteur de vostre petit parc , En gouvernant ces blanches brebiettes2 Sçet bien tirer ses dorées sajectes, Les regardant seulement, il les garde.
Cest amour là duquel estes aymée, Qui d'un chacun vous faict estre estimée, En remplissant vostre cueur et vostre ame De sa divine amour et vive (lame, Contrainct chacun d'estre vray amateur De la brebis d'un si parfaict pasteur, Voiant qu'avez cueur et corps revestuz Du viel habit de ses grandes vertuz, Tant qu'on le void en vous vivre et reluyre.
1. F° 62 v°. Cette lettre est adressée, selon toute évidence à Louise de Bourbon, fille de François de Bourbon et de Marie de Luxembourg, et par conséquent tante d'Antoine de Bourbon, époux de Jeanne d'Albret. Elle prit le voile en 1510 à Fontevrault, fut élue abbesse en 1533 et gouverna le célèbre monastère jusqu'en 1575. C'était une femme remarquable, d'une grande élévation de sentiments. — 2. Ms. berbiettes.
EPISTRB DB LÀ ROYNB A l'àBBBSSB DB FONTBVRÀULT 29
C'est ce qui peult tout bon esprit induire
A vous aymer en Dieu et Dieu en vous,
Ne voiant qu'un à l'espouse et l'espoux.
Et si chascun, conduict par la puissance
De ceste vraye et vive congnoissance,
Vous ayme et loue et se tient heureux d'estre
Près du chef d'œuvre de si excellant Maistre,
Moy qui me voy, maulgré mon cueur, bannye
De vostre tant honneste compaignie,
Ne doy-je pas la perte regretter
Et le retour plus qu'autre souhaitter?
L'homme charnel voiant le parentaige
D'entre nous deux dira son vieulx langaige :
C'est que le sang1 me contrainct désirer
Vostre présence et sans vous souspirer.
Mais ce n'est pas où arrester me veulx,
Car le lien qui est entre nous deux
N'est chair ne sang que trop nous desprisons,
Pour nous lier en si fortes prisons.
Mais si celluy qui a l'esprit de Dieu
En veult parler, je luy donne le lieu ;
Car il faut bien sçavoir de quel lien
Deux cueurs en ung sont au souverain Bien
Parfaictement adjoinctz sans départir.
Qui le dira ainsi ne peult mentir,
Mais pour juger nostre amitié, il fault
Au juge avoir esprouvé qu'amour vault.
Car qui n'est bien de ceste amour atainct,
