M s. Souffrirons
AGAPY.
11 me souvient qu'en départant de nous Il demandoit d'un œil et parler doux Au grand Pasteur le secours de sa dextre.
PARACLESIS.
Le grand Pasteur accorda sa requeste, Car sa main est au secours des siens preste : Entre ses bras Pan embrasse et tient.
AMARISS1ME.
Je m'esbahy de ce triumphe honneste, Mais je me plains dont après luy j'arreste Si longuement, et dont ce mal me vient.
PARACLESIS.
Ainsi le veult le Tout puissant avoir, Auquel il fault conformer ton vouloir Et t'esjouyr dont Pan est à son aise.
AMARISSIME.
Helas ! helas, je ne le puis plus veoir Ne m'esjouyr d'escouter son sçavoir, Et sans le veoir ne voidz rien qui me plaise.
PARACLESIS.
Te fusses tu pas dix ans contentée,
Pour veoir sa gloire en tous lieux augmentée,
De ne l'avoir, sçachant qu'il est contant?
AMARISSIMB.
Certes o[u]y, voire estre tourmentée De tous ennuys, de tous costez tentée, Car le sçavoir bien m'eust esté autant.
PARACLBSIS.
Et toutesfois tu sçais que sur la terre Vivre ne peult l'homme sans mal ou guerre, Car tous les biens y sont meslez de maulx, Subjet[z] à vent, à pluie et à tonnerre ; Et puis l'esprit, qui par ignorance erre Engendre au cueur mille et mille travaulx.
Qui plus a de bien,
Plus a de moien,
De soucy et cure.
Qui plus a d'honneur,
11 a [le] moins peur
Et le plus procure.
Qui plus a plaisir,
Plus a de désir
De toujours I'accroistre.
Bref tout bien mondain
Passe aussi soudain
Qu'il vient apparoistre.
Et Pan, Dieu mercy,
Est bien sans soucy.
Bien qui tousjours dure,
Vray honneur sans peine,
Et gloire certaine,
Qui honte n'endure.
Doux plaisir sans crainte, Joye, qui n'est faincte*, Sans jamais finer Et félicité Que nécessité Ne sçauroit miner.
Pan est, quoy qu'on die, Sain, sans maladie, Vif et immortel, Contant, satisfaict :
Croiez qu'il est tel, Or, soiez contens Car avant longtemps Avec luy serez.
Mais encore ung peu Par eau et par feu Ça bas passerez.
Prenez patience Et en Dieu fience, Vous rejouyssant De veoir vostre amy Aux bras endormy Du Pasteur puissant.
Quand vous travaillez Vous [le] reveillez Par voz passions :
Laissez-le dormir, Sans faire et gémir Lamentations.
