Ms. esbahis. — 2. Ms. vit

De charité qui nous unyt en ung,

Tant qu'un seul bien est à tous deux commun.

PARACLESIS.

Puisque chacun au grant Pasteur consent Et son voulloir de chair par luy renonce, Ung plus grant bien de par luy vous anonce, Qui de voz cueurs le fond est congnoissant : Je vous promectz et vous jure et afie, Puisque pour luy faictes abnégation De voz cueur, corps, vouloir, intention, Et que chacun du tout en luy se fie, Qu'il vous sera loial et bon pasteur, En vous gardant de tous maulx et dangers. Des ennemys privez et estrangiers, Et qu'en tous lieux vous sera protecteur. Et puis après, quant bon lui semblera, Avec [ce] Pan, que tant vous estimez, Comme pasteurs et en fan s [bien] aymez, Trestous en ung il vous rassemblera

SECURUS.

Ce propos est non moins plaisant qu'estrange : Par quoy en chant je croy qu'il seroit bon Au grand Pasteur rendre [une] humble louange, Le merciant de [son] généreux1 don.