Ms. doriques. — 2. Ma. ceste
LA BERGERE
Qui atant le bien à venir, II ne Ta pas, mais qui le tient, De travailler ne luv souvient.
Ne dy je pas vray ?
Non ; qui l'a Tout : mais monstrez-moi cestuv là, Auquel ne default quelque chose.
LA BERGERE
Ha! qui Ta, tient la bouche close Et ceste odeur là pas n'esventte.
Garde vous n'avez qu'il s'en vente Ny qu'ung seul semblant il en face,
LA SA CE
Sy juge l'on bien par la face Quant le cueur est bien satisfaict
LA BERGERE
J'estime que c'est beaulcoup faict De juger par l'œil le penser.
Vous me voiez chanter, dancer :
Jugez donc que je suis contante.
LA SAGE
Mais plus tost vous juge ignorante, Qui s'esjouict sans savoir quoy.
LA BERGERE
Vous avez bien jugé de moy, Car ma joye ne congnois pas.
Je m'esjouis et prens soûlas Et ne congnois pas bien ma joye.
LA MONDAINNE.
Las! j'ay cheminé par sa voye,
Mais [un g] aultre chemin fault prendre.
LA BERGERE
Quel chemin vous plaict il m'aprendre?
Je vis icy en passiance.
LA SAGE
C'est ce beau chemin de science, Que chascun doibt tant estimer.
LA BERGERE
Je ne sçay rien sinon aymer.
Ce sçavoir là est mon estude, C'est mon chemin, sans lacitude Où je courray tant que je vive.
LA SUPERSTITIEUSE
Elle est bien simple et bien naïfve.
Rien [ne] sçait et ne veult sçavoir.
LA BERGERE
Je sçay ce que je veulx avoir :
D'autre science n'av besoin^.
Tel cuide estre près qui est loing, Mais qui est près, sy loing se cuide Que sans cesser [il] crye à l'aide, De peur qu'il a [d]'aymer trop peu.
LA SAGE
Or, allez desuouer ce neu.
Croiez qu'amour l'a abuzée, Kt quelque amy Ta amuzée, Parquoy elle a perdu son sens.
LA BERGERE
Vous en parlez, et je le sens1, Mais non pas sy fort que je veulx, Car mes désirs sont tousjours neul[z] Et recommancent par leur fin.
LA SUPERSTITIEUSE
Ma mye, celluy est plus fin
Que bon qui a soy tant vous tire.
LA BERGERE
Je ne vous en veulx contredire, Car vous ne mentez d'un seul mot.
II n'est fol, ny facheulx, ny sot, Mais est fin, sage, plus que moy :
Donc plus que moy aymer le doy, Pour'2 sa très doulce tromperie
