CHAPITRE II. JEANNE D'ARC ET SES TEMOINS

dommage. Cette prédiction se réalisa, car, de tous nos hommes, un seul, un gentilhomme de ma compagnie, (ut tué. — Je l'ai ensuite accompagnée à Troyes et à Reims. Tous ses faits étaient plutôt divins qu'humains, mais, en dehors de la guerre, c'était une fille simple et innocente ; mais pour conduire et disposer les troupes, diriger un combat et entraîner les hommes, elle valait le capitaine le plus habile et le plus expérimenté.

(Nous croyons devoir insérer incidemment un passage du Journal du siège ^oii l'auteur anonyme décrit avec vivacité l'entrée de Jeanne à Orléans :)

u Celluymesme jour, eut moult grousse escarmouche,

parce que les Françoys vouloieot donner lieu et heure d'entrer aux vivres que on leur amenoit. £t pour donner aux Angloys à entendre ailleurs, saillirent à grant puissance, et alérent courir et escarmouscher devant Sainct-Loup d'Orléans. Et tant les tiudrent de prez, qu'il y eut plusieurs mors, blecez et prius prisonniers d'une part et d'autre, combien que les François apportèrent dedans leur cité uug des estandars des Angloys. Et lors que celle escarmouche se faisoit, entrèrent dedans la ville les vivres et artillerie que la Pucelle avoit conduicts jusques à Checy. Au devant de laquelle alla jusques à celluy village le Bastard d'Orléans et autres chevaliers, escuyers et geus de guerre, tant d'Orléans comme d'autre part, moult joyeulx de la venue d'elle, qui tous luy feirent grant révérence et belle chiere, et si feist elle à eulx. Et la conclurent tous ensemble qu'elle n'entreroit dedans Orléans jusques à la nuict, pour éviter la tumulte du peuple, et que le mareschal de Rays et messire Ambroys de Loré, qui par le commandement du Roy l'avoient conduicte jusques là, s'en retourneroyent à Bloys où estoient demourez plusieurs seigneurs et gens de guerre françoys ; ce qui fut

iaict; car ainsi comme à huyct heures au soir, malgré tous

2*4 PnOLEGOMENES.

les Angloys qui oncques n'y mirent empeschement aacun, elle y entra armée de toutes pièces, montée sur ung cheval blanc; et faisoit porter devant elle son estandart, qui estoit pareillement blano, ouquel avoit deux anges tenans chacun une fleur de Hz en leur main; et ou panon estoit paincte comme une Ânuonciacion.

» Elle ainsi entrant dedans Orléans, avoit à son cousté senestre le Bastart d'Orléans, armé et monté moult richement. Et aprez venoyent plusieurs autres nobles et vaillans seigneurs, escuyers, cappitaines et gens de guerre, sans aucuns de la garnison, et aussy des bourgoys d'Orléans, qui luy estoyent allez au devant. D'autre part, la vindrent recevoir les autres gens de guerre, bourgoys et. bourgoyses d'Orléans , portans grant nombre de torches , et faisans tel joye comme se ilz veissent Dieu descendre entre eulx, et non sans cause, car ilz avoient plusieurs ennuys, travaux et peines, ^t qui pis est grant doubte de non estre secouruz, et perdre tous corps et biens. Mais ilz se sentoyent jà tous réconfortez, et comme desassiégez, par la vertu divine qu'on leur avoit dit estre en ceste simple Pucelle, qu'ilz regardoient moult affectueusement, tant hommes, femmes, que petits enfants. Et y avoit moult merveilleuse presse à toucher à elle, ou au cheval sur quoy elle estoit , tellement que l*un de ceulz qui portoient les torches s'approucha tant de son estandart que le feu se print au panon. Pourquoy elle frappa son cheval des espérons, et le tourna autant gentement jusques au panon, dont elle en estangnit le feu , comme si elle eust longuement suyvy les guerres : ce que les gens d'armes tindrent à grans merveilles, et les bourgois de Orléans aussi; lesquels Paccompaignèrent au long de leur ville et cité, faisans moult grant chiere, et par très grant honneur la conduisirent tous jusques auprez de la porte Regnart, en Tostel de Jacquet Boucher, pour lors thrésorier du duc d'Orléans, ou elle fut receue à très grant joye avecques ses deux frères, et les deux gentilzhommes et leurs varlets , qui estoient venuz avecques eulx du pays de Barroys »