CHAPITRE II. JEANNE D*ARG ET SES TÉMOINS

résîstence ausdits ennemis, ou cas que besoin^ seroit; par lequel luy fut incontinent respondu qu'il n'en feroit riens. Et adonc ledict Ârphonse iuy dist que aussi y povoit-il demourer que les autres, et qu'il y en avoit d'aussi vaillans comme luy qui demouroient bien. Lequel respondit à iceluy Arphonse que non faisoit pas luy. Sur quoy eurent entre eulx certaines arrogeantes paroles, et tellement qu'ilz conclurent aller eulx deux l'un quant l'autre sur lesdits ennemis, et adonc seroit veu qui seroit le plus vaillant, et qui mieulx d'eulx deux feroit son devoir. Et eulx tenans par les mains, le plus grant cours qu'ilz peurent, allèrent vers ladicte bastille desdits ennemis, et furent jusques au pie du palis.

» Dit que ainsi qu'ilz furent audit palis d'icelle bastille, il qui parle vit dedans ledit palis unf; grant , fort et puissant Anglois, bien en point et armé, lequel leur résistoit tellement qu'ilz ne povoient entrer oudit palis. Et lors il qui parle monstra ledit Ânglois à uog nommé maistre Jehan le Ganonier, en luy disant qu'il tirast à iceluy Ânglois ; car il faisoit trop grant grief, et pourtoit moult de dommage à ceulx qui vouloient aproucher ladicte bastille; ce que fist ledit maistre Jehan; car incontinent qu'il l'aperceut, il adressa son trait vers luy, tellement qu'il le gecta mort par terre; et lors lesdits deux hommes d'armes gaignièrent le passage , par lequel tous les autres de leur compaignie passèrent et entrèrent en ladicte bastille ; laquelle très aprement et à grant diligence ils assaillirent de toutes pars, par tel party que dedans peu de temps ilz la gaignèrent et prindrent d'assault. Et là furent tuez et prins la pluspart desdits ennemis; et ceulx qui se peurent sauver se retrahirent en ladicte bastille des Toumelles, estant audit pié du pont. Et par ainsi, obtindrent ladicte Pucelle et ceulx estans avecques elle victoire sur lesdits ennemis pour iceluy jour. Et fut ladicte grosse bastille gaignée , et demourèrent devant icelle lesdits seigneurs et leurs gens, avecques ladicte Pucelle, toute icelle nuyt.

V Dit plus que le lendemain au matin, ladicte Pncellc