CHAPITRE II. JEANNE D'ARC ET SES TEMOINS. Î7T

Iceluy desposant fut tout esmerveillé ; car incontinent ladicte ville fut prinse d'assault, sans y trouver pour lors trop grant résistence.

n Et dit il qui parle que tous les fais de ladicte Pucelle luy sembloient plus fais divins et miraculeux que autrement, et qu'il estoit impossible à une si jeune pucelle faire telles euvres , sans le vouloir et conduite de Nostre Seigneur.

» Dit aussi il qui parle, lequel par l'espace d'un an entier, par le commandement du Roy nostredist seigneur, demeura en la compaignie de ladicte Pucelle, que, pendant iceluy temps, il n^a veu ne cogneu en elle chose qui ne doie estre en une bonne chrestienne : et laquelle il a toujours veue et congneue de très bonne vie et bonneste conversacion , en tous et cbacuns ses fais.

» Dit aussi qu'il a congneu icelle Pucelle estre très dévote créature, et que très dévotement se maintenoit en oyant le divin service de Nostre Seigneur, lequel continuellement elle vouloit ouyr, c'est assavoir aux jours solempnelz, la grant messe du lieu où elle estoit, avecques les heures subséquentes, et aux auhres jours une basse messe; et qu'elle estoit acoustumée de tous les jours oyr messe, s'il luy estoit possible.

» Dit plus que par plusieurs foys a veu et sceu qu'elle se confessoit et recepvoit Nostre Seigneur, et faisoit tout ce que à bon chrestien et chrestienne appartient de faire, et sans que oncques, pendant ce qu'il a conversé avecques elle, il luy ait ouy jurer, blasphémer ou parjurer le nom de Nostre Seigneur, ne de ses sains, pour quelque cause ou occasion que ce feust.

w Dit oultre que, non obstant ce qu'elle feust jeune fille, belle et bien formée, et que par plusieurs foiz, tant en aidant à icelle armer que aultrement, il luy ait veu les tetins, et aucunes foiz les jambes toutes nues , en la faisant apareiller de ses plaies ; et que d'elle approuchoit souventesfoiz, et aussi qu'il feust fort, jeune et en sa bonne puissance : toutefoiz oncques, pour quelque veue ou atouchement qu'il

eust yers ladicte PuGeHe» ne s'esmeut son corps à nul charnel désir vers elle , ne pareillement ne faisoit nul autre quelconque de ses gens et escuiers, ainsi qu'il qui parle leur a oy dire et relater par plusieurs foiz.

» Et dit que, à son advis, elle estoit très bonne chrestienne, et qu'elle devoit estre inspirée; car elle amoit tout ce que bon chrestien doit amer, et par espécial elle anioit fort ung^ bon preudomme qu'elle savoit estre de vie chaste.

» Dit encores plus qu'il a oy dire à plusieurs femmes, qui ladicte Pucelle ont veue par plusieurs foiz nue, et sceu de ses secretz, que oncques n'avoit eu la secrecte maladie des femmes et que jamais nul n'en peut riens cognoistre ou appercevoir par ses habillemens, ne aultrement.

» Dit aussi que quant ladicte Pucelle a voit aucune chose à faire pour le fait de sa guerre, elle disoit à il qui parle que son conseil luy a voit dit ce qu'elle devoit faire.

» Dit que l'interroga qui estoit sondit conseil; laquelle luy respondit qu'ilz estoient trois ses conseillers, desquelz l'un estoit tousjours résidamment avecques elle, l'autre aloit et venoit souventesfoys vers elle, et la visitoit, et le tiers estoit celuy avecquesMequel les. deux aultres délibéroient. Et advint que une foiz entre les aultres, il qui parle luy priast et requlst qu'elle luy voulsist une fois monstrer icelluy conseil : laquelle luy respondit qu'il n' estoit pas assez digne ne vertueux pour iceluy veoir. Et sur ce se désista ledit depposant de plus avant luy en parler ne enquérir.

» Et croit fermement ledit depposant, comme dessus a dit, que, veu les faiz, gestes et grans conduites d'icelle Pucelle, qu'elle estoit remplie de tous les biens qui puent et doivent estre en une bonne cbrestienne.

y> Et ainsi Ta depposé comme dessus est escrîpt, sans amour, faveur, hayne ou subomacion, mais pour la vérité du fait, et comme il a congneu estre en ladicte Pucelle.»

Pasquerel : La première fois que j'entendis parler de