II

DOCUMENTS RELATIFS A l'eNTRÉE DE CHARLES VII DANS LES VILLES DE TROYES ET DE CHALONS, LORS DE SA MARCHE SUR REIMS.

(Juillet 1429.)

i® Extrait de la Chronique de la Pucelle; 2® Extrait de la Chronique des ducs d'Alençon ; 3" Extrait de la Chronique anonyme du siège d'0rléan8 et du voyage do Reims.

1" Extrait de la Chronique de la Pucelle :

« A Gien sur Loire fut fait ung paiement aux

gens d'armes tel, qui ne montoit pas plus de deux, à trois francz pour l'homme d'armes. Duquel lieu s'en partist ycelle Jehanne la Pucelle et pluiseurs autres cappitaines , et pluiseurs gens en sa compaignie, et s'en ala logier environ quatre lieues loing dudit Gien en tirant le chemin de Bains vers Aucerre. Et le roy de France se partist l'endemain ensieuvaut, en tirant celle part; et ce jour assambla tout l'ost ensamble.

» Et avoit audit ost pluiseurs femmes diffiamées qui empeschoient aucuns gens d'armes à faire dilligence de suivre le Roy; et ce voyant ycelle Jehanne, après le cri fait que chascun allast avant, tira son espée et en bâtit deulx ou trois tant qu'elle rompist saditte espée. Dont le Roy en fut bien desplaisant et lui dist qu'elle deust avoir pris ung bon baston et frapper dessus, sans habandonner ainsy ycelle espée qui lui estoit venue divinement, comme elle disoit.

» Et chevaulcha tant ledit Roy qu'il vint devant la cité d' Aucerre, laquelle cité ne lui fist pas plaine obéissance;

Uê PfiOLEGOMEMES.

mais vindreat aucuns bourgeois d'icelle cité; et disoil-^oa qu'iiz a voient donné argent au sire de Trimolle, adfin <|u'ilz demeurassent en trêves pour ycelle fbiz. De laquelle chose furent bien malcontens aucuns seigneurs et capitaines d'icellui ost, et en pnrloient bien fort en murmurant contre ycellui seigneur de la Trimolle et austres estans du conseil du Roy. Et vouloit tousjours ycelle Jehaune que ycelle ville fust assaillie ; et finablement demeura en ycelle ville trêves, combien que ceulx de la ville baillèrent plusieurs vivres à ceulx de Tost pour leur argent, desquelz ilz avoient grant nécessité.

» Après que le roy de France eust esté trois jours devant ycelle cité d' Aucerre , se partit avec son ost en tirant vers Saint-Florentin; laquelle ville de Saint-Florentm lai fist obéissance; et de là prit son chemin droit à Troyes en Champaigne , et tant chevaulcha qu'il vînt logier devant la cité de Troyes , en laquelle avoit bien de chincq à six cent Anglois et Bourguignons. Et à Farrivée saillirent y ceulx Anglois et Bourguignons sur l'ost du Boy. Et fut logié d'un costé et d'aultre d'icelle cité, par l'espace de six à sept jours, en parlementant et cuidant tousjours que ycelle lai feist obéissance; mais aucun appointement ne s'y povoit trouver; et avoit en l'ost si très grant cbierté de pain et d'aultres vivres, car en cellui ost avoit de six à sept mille hommes qui n' avoient mengié de pain passé huit jours , et vivoient le plus de fèves et de blé froté en espi.

» Et manda ledit Roy venir devers lui le duc d'Alenchoo, le duc de Bourbon, le conte de Yendosme et pluiseiirs aultres seigneurs et cappitaines avec aultres gens de son conseil en grant nombre, pour avoir ad vis qu'il avoit à faire. Et là fut mis en terme et délibéracion audit conseil par l'arche vesque de Bains, chanceUer de France, que ledit ost ne povoit plus bonnement demeura* devant laditte ville de Troies pour pluiseurs raisons : premièrement, par la grant famine qui es toit oudit ost et que vivres ne venoient en ycelle de nulle part ; et aussy qu'il n'y avoit plus homme qui eust -argent; et oultre que c'estoit merveilleuse chose de