CHAPITRE III. DOCUMENTS SUR JEANNE D*ARG

V Cedit jour, après plusieurs parolles , le Roy se partit et prÎDt soD chemin à aler droit à la cité de Troye en Cbampaigne. Et en feisant son chemin , toutes les forteresses d'ung costé et d'autre de sa voye se midrent en son obéissance. Le Roy arriva devant ledit lieu de Troye après disoer, le vesH dredy vm* jour de juUet. Et luy furent ceulx de la gai^nison et les bourgois de la ville dësobëissans ce jour; et le x* jour se midrent en T obéissance du Roy. Et après disner fut très honnourablement recen en laditte ville et y séjourna jusques au mardy ensuivant. Et partout ou la Pucelie venoit, elle disoit à ceulx des places : « Rendez vous au Roy du ciel et au 9 gentil roy Charles. » Et estoit toujours devant à venir parler aux barrières.

» Celui mardy (12 juillet), le Roy partit dudit lieu de Troye, et le jeudi ensuivant fut moult honnourablement receu en la cité de Ghaalons. Et en faisant son chemin, toutes les fbrtresses du paï's se midrent en son obéissance, pour ce que la Pucelle envoyet toujours de c^ulx qui estoient soubz son estendart dire par chacune des fortresses à ceulx de dedens : « Rendez vous au Roy du ciel et au gentil roy n Charles. » Et iceulx ayans congnoissance des grans merveilles avenues et faites à la présence de la Pucelle , se me^ toient franchement en robeissance du Roy. Et ceulx qui refusoient, elle y aloit en personne, et touz luy obeissoient. Aucune fois se tenoit en la bataille avecques le Roy en alant son chemin; autres foiz en l'avant garde, et autre en l'arrière garde, ainssi qu'elle véoit convenir en son entente. Et le vendredi ensuivant se partit le Roy dudit lieu de ChaaloDS »

3* Extrait de la Chronique anonyme du siège d*Oriéans

et du voyage de Reims.

Le dimanche après la feste de Sainct Jehan Baptiste , le Roy

316 PROLEGOMENES.

avoit envoyé quérir la royne Marie, sa femme, fille de feu Loys, roy de Cecille, parce que plusieurs estoient d'oppinion qu'il Tamenast couronner avecques luy à Reins. Et peu de jours après, luy fut amenée à Gien, là où il tint plusieurs conseilz, pour conclure la manière à luy plus convenable à tenir ou voyage de son sacre. En la fin desquelz conseilz fut conclud que le Roy renvoyroit la Royne à Bourges , et que sans assiéger Gosne et la Charité sur Loire , que aucuns conseilloient à prendre par force avant son partement, il se mectroyt en chemin : ce qui fut faict, car la Royne remenée à Bourges, print le Roy sa voye vers Reins.

» Et se deparlit de Gien le jour Sainct Pierre, en celluy moys de juing (29), accompaignie de la Pucelle, du duc d'Âlençon, du conte de Clerniont, depuis duc de Bourbon, du conte Vendosme, du seigneur de Laval, du conte de Boulongne, du Bastart d'Orléans, du seigneur de Lohiac, des mareschaulx de Saincte Sévère et de Rays, de l'admirai de Culan et des seigneurs de Thouars, de Sully, de Chaumont sur Loire, de Prie, de Chauvigny et de la Tremoille, de la Hire, de Poton, de Jamet du Tilloy, [Tudual de Garmoisen] dict Bourgois, et de plusieurs autres seigneurs, nobles, vaillans cappitaines et gentilzhommes , avecques environ douze mil combatans, tous preux, hardiz, vaillans et de grant couraige, comme par avant, et lors, et aussi depuis monstrèrent en leurs faiz et vaillans entreprinses , et par cxpecial en cestuy voyaige. Durant lequel passèrent en y allant et repassèrent en retournant, franchement et sans riens craindre, par les pays et contrées dont les villes, chasteaux, ponts et passaiges estoient gamiz d'Angloys et Bourgoignons.

» Et par expecial vindrent tenans leur voye présenter le siège et assault devant la cité d'Auxerre. Et de faict sembloit à la Pucelle et à plusieurs seigneurs et cappitaines, qu'elle estoit aysée à prendre d'assault, et y vouloient assayer. Mais ceulx de la cité donnèrent secrettement deux mil escus au seigneur de la Tremoille, afin qu'il les gardast d'estre assailli/;