CHAPITRE II F. DOCUMENTS SUR JEANISE D'ARC. 3M

2* Jean Chartter, moine de Saint-Denis, {Extrait de sa Chronique.)

De la ville de Ghaaions se partist le Roy et son ost et print son chemin droit à Rains ; et tant cheyaulchèrent que lui et son dit ost arrivèrent devant laditte ville de Rains, laquelle estoit tenue de par le roy d'Angleterre... Laquelle ville de Rains lui fist plaine obéissance. Et entra dedens ycelle avec son ost; en laquelle il fut receu à grant joie et vindrent devant le Roy aportant lez clefs, ainsy que les aultres villes avoient fait; et vint devant ledit Roy pour estre à son service le duc de Rar et de Loraine , et le sire de Commercy, à grant conipaignie de gens d^armes , pour eulx emploier au service du Roy. Et le lendemain qui fut jour de dimence, fut le Roy sacré et couronné en l'église Nostre-Dame de Rains, par messire Regnault de Chartres, archevesque dudit lieu et chancelier de France. Et fut fait ledit Roy chevalier par le duc d'Âlençon; et après ce, fist le Roy le sire de Laval conte; et y fut fait de par le Roy le duc d'Alençon, le duc de Bourbon et autres princes qui là estoient, plusieurs, chevaliers. Et y estoit laditte Jehanne la Puceile, laquelle tenoit son estandart en sa main et laquelle estoit cause dudit cou* ronnement du Roy et de toute ycelle assemblée. Et fut apportée de l'abbaye Saint-Remy la sainte ampoule en l'église Nostre-Dame par le sire de Raix mareschal de France. n Et après ce, séjourna le Roy en laditte ville de Rains trois jours et puis se partist avec son ost pour aler en une abbaie nommée Saint -Marcoul, ouquel lieu les roys de France ont acoustumé d'aler après leur couronnement; et leur fait-on là certain service et mistère p'ourquoy on dit que le roy de France garist des escrouelles »