CHAPITRE III. DOCUMENTS SUR JEANNE D'ARC

sacré et couronné et a esté moult belle chose à voir le beau mystère , car il a esté auxi soleropnel et accôustré de toutes les besongnes y appartenans auxi bien et si convenablement pour faire la chose tant en abis royaux et autres choses à ce nécessaires comme s'il eust mandé un an auparavant, et y a eu autant de gens que c'est chose infinie a escrire et auxi la grande joye que chacun en avoit.

n Messeigneurs le duc d' Alençon , le comte de Clermont , le conte de Vendosme, les seigneurs de Laval et la Trimoille y ont esté en abis royaux; et monseigneur d'Alençon a fait le Roy chevalier et les dessusditz représentoient les pairs de France; monseigneur d'Albret a tenu Fespée durant ledit mystère devant le Roy et pour les pairs d'Eglise y estoient avec leurs croces et mitres, messeigneurs de Rains , de Gha- Ions qui sont pairs; et en lieu des autres, les evesques de Seez et d'Orléans et deux autres prélas, et mondit seigneur de Rains y a fait ledit mystère et sacre qui luy appartient.

» Pour aller quérir la sainte ampolle en Tabaye de Saint- Remy et pour la apporter en l'église de Nostre-Dame où a esté fait le sacre , fut ordonnez le mareschal de Bossac , les seigneurs de Rays, Graville et l'admirai avec leurs quatre bannières que chacun portoit en sa main, armez de toutes pièces et à cheval , bien accompagnez pour conduire Tabbé dudit lieu qui apportoit ladite ampolle; et entrèrent à cheval en ladite grande église et descendirent à l'entrée du chœur et ' en cest estât l'ont rendue après le service en ladite abbaye ; le service a duré depuis neuf heures jusqu'à deux heures. Et à l'heure que le Roy fut sacré et auxi quand l'on lui assist la couronne sur la teste, tout homme cria Noël ! et trompettes sonnèrent en telle manière qu'il sembloit que les voultes de l'église 3e deussent fendre.

» Et durant ledit mystère, la Pucelle s'est tousjoui's tenue joignant du Roy, tenant son estendart en sa main. Et estoit moult belle chose de voir les belles manières que tenoit le Roy et aussi la Pucelle. Et Dieu sache si vous y avez esté . souhaitées.

V Aujôurdhuy ont esté faitz par le Roy contes le sire de

Laval et le sire de Sully et Rays mareschal Demain

s'en doibt partir le Roy tenant son chemin vers Paris. On dit en ceste ville que le duc de Bourgon{jne y a esté et s'en est retourné à Laon où il est de présent ; il a envoyé si tost devers le Roy qu'il arriva en ceste ville. A ceste heure, nous espérons que bon traité y trouvera avant qu'ils partent. La Pucelle ne fait doubte qu'elle ne mette Paris en l'obéissance.

» Audit sacre, le Roy a fait plusieurs chevaliers et auxi lesdits seigneurs pairs en font tant que merveilles. 11 v en a plus de trois cents nouveaux.

» Nos souveraines et redoubtées Dames, nous prions le benoist Saint-Esprit qu'il vous donne bonne vie et longue.

V Escript è Rains, ce dimanche xvii* de juillet. Vos trè> humbles et obéissans serviteurs ,

*» Beau VEAU, More al, Lusse.»

5" Lettre écrite par Jeanne au duc de Bourgogne,

le jour du sacre,

\ JUESV8 MARIA, f

« Hault et redoubté prince, duc de Bourgoingne, Jehanne • la Pucelle vous requiert de par le Roy du ciel mon droicturier et souverain seigneur que le Roy de France et vous faciez bonne paix ferme qui dure longuement. Pardonnez l'un à l'autre de bon cuer, entièrement ainsi que doivent îaire loyaulx chrestians , et s'il vous plaist à guerroier si alez sur les Sarrazins. Prince de Bourgoingne, je vous prie, supplie et requiers tant humblement que requérir vous puis, que ne guerroiez plus ou saint royaume de France et fiaictes retraire incontinent etbriefment voz gens qui sont en aucunes places et forteresses dudit saint royaume ; et de la part du gentil Roy de France il est prest de faire paix à vpus, sauve son honneur. Et vous faiz à savoir de par le Roy du ciel , mon