CHAPITRE III. DOCUMENTS SUR JEANNE D'ARC

Bourgoingne, jusques à la mort, comme ilz avoient tous juré sur le précieux corps de Jésus-Christ ; pryans lesdictz habitans de Reims d'avoir pitié d'eulx, comme frères et loyaulx amys , et d'envoyer par devers monseigneur le Régent et le duc de Bourgoingne, pour les requérir et supplyer de prendre pitié de leurs pauvres subgectz et les aller secourir.

V Et par aultres lettres escriptes du mesme jour à einq heures après midy, lesdictz habitans de Troyes baillent advis à ceulx de Reims comme Tennemy et adversaire en sa personne, avec sa puissance, estoit arrivé cedictjour, environ neuf heures du matin, devant leur ville, et les avoit assiégés; et qu'il leur avoit envoyé ses lettres clauses signées de sa main , scellées de son scel secret, contenantes ce quy est cy devant transcript. Lesquelles lettres, après avoir esté leues au conseil, par délibération d'iceluy avoit esté respondu aux béraulx quy icelles avoient apportées , sans qu'ils eussent entrée en ladicte ville, que les seigneurs, chevaliers et escuyers quy estoient en ladicte ville de par le Roy et le duc de Bourgoingne, avoient, avec eulx les habitans, juré et faict serment de ne souffrir entrer en ladicte ville de Troyes aucun quy fust plus fort qu'eulx, sans l'exprès commandement du duc de Bourgoingne : oultre plus, pour l'excusation de eulx, habitans, avoit esté joinct à icelle response que, quelque vouloir qu'ilz eussent, obstoit la grande multitude des gens de guerre quy estoient en ladicte ville plus forts qu'eulx. Laquelle response ainsy faicte, ung chacun d'eulx s'estoient traits sur les murs et en sa garde , en intention et volonté ferme, si on leur faisoit aucun efFort, de résister jusques à la mort; et leur sembloit que, au plaisir de Dieu, ilz rendroient bon compte de ladicte cité, requérans derechef lesdictz habitans de Reims qu'ilz eussent à envoyer par devers lesdictz régent et duc de Bourgoingne remonstrer leur nécessité. Ils mandoient aussy comme ilzavoient receu lettres de Jehanne la Pucelle qu'ilz appeloient Gocquarde, laquelle ilz certifioient estre une folle pley ne du diable , et que à sa lettre n'avoit ne ryme ny raison, et qu'après avoir faict lecture

330 PROLEGOMENES.

d'icelle et s'en estrebien mocqués, ilz l'avoient jectëe au feu, sans luy faire aucunne response, d'aultant que ce n'estoit que mocquerye.....

* Les habitans de la ville de Chaalons ayant receu

pareille ad vis desdictz habitans de Troyes, touchans la venue et arrivée dudict Daulphin, et d'abondant que les lettres de Jehanne la Pucelle avoient esté portés audict Troyes parung nommé frère Richard le Prescheur, en baillèrent advis aux habitans de Reims, leur mandans qu'ils avoient esté fort esbahis dudict frère Richard, d'aultant qu'ilz cuidoient que ce fust ung très bon preudhomme, mais qu'il estoit venu sorcier. Mandoient aussy que lesdictz habitants de Troyes fiaisoient forte guerre aux gens dudict Daulphin, avec plusieurs aultres paroUes de bravade ; et que sur ces nouvelles, eulx de Chaalons avoient intention de tenir et résister de touttes leurs puissances allencontre desdictz ennemys.

» Les habitans de la ville de Reims receurent pareillement lettre dudict* Daulphin, escripte le quatriesme jour dudict mois de juillet , par laquelle il leur mande qn ilz pouvoient bien avoir receu nouvelle de la bonne fortune et victoire qu'il avoit pieu à Dieu luy donner sur les Angloys, ses anciens ennemys, devant la ville d'Orléans, et depuis à Jargeau, Baugency et Meun sur Loire , en chascun desquelz lieux ses ennemys avoient receu très grand dommage; et que tous leurs chefs, et des aultres jusques au nombre de quatre mil, y estoient que mors que demourés prisonniers : lesquelles choses estantes advenues plus par grâce dyvine que euvre humain , par l'advis de son sang et lynage et de son grand conseil, il s' estoit acheminé pour aller en ladicte ville de Reims, pour y prendre son sacre et couronnement. Par quoy il leur mandoit que, sur la loyaulté et obéissance qu'ilz lay deb voient, ilz se disposassent à le recevoir par la manière acoustumée de faire à ses prédécesseurs , et sans que, pour les choses passées et pour la doubte que l'on pourroit avoir que icelles il eust encore en sa mémoire , on en puisse faire aucune difficulté ; leur certifiant qu'en se gouvernant envers