CHAPITRE ni. DOCUMENTS SUR JEANNE D'ARC
dicte Pucelle tirée jus de son cheval par ung archier, auprès duquel estoit le bastaitl de Wandonne, à qui elle se rendy et donna sa foy ; et lui sans delay, l'emmena prisonnière à Margny, où elle fîit mise en bonne garde. Âvoecq laquelle fut pris Pothon le Bourguignon, et aulcuns aultres, non mie en grand nombre. Et les dessusdits Franchoix rentrèrent en Gompiengne , dolans et couroucbiés de leur perte ; et par especial, heubrent moult grand desplaisance pour la prinse d'ycelle Pucelle. Et, à l' opposite, cheulx de la partie de Bourgongne et les Angloix en furent moult joyeux, plus que d'avoir prins cincq cens combatans : car ilz ne craignoient ni redoubtoient nul capitainne, ni aultre chief de guerre, tant comme ilz avoient tousjours fait jusques à che présent jour, ycelle Pucelle.
» Sy vint, assez tost après, le duc de Bourgongne, a tout sa puissance, de son logis de Coudin, où il estoit logié, en la prëe devant Gompiengne. Et là s'assamblèrent les Angloix, ledit duc , et ceulx des aultres logis , en très grand nombre, faisans l'un avec l'autre grans cris et resbaudissements, pour la prinse de ladicte Pucelle. Laquelle yceluy duc ala veoir ou logis où elle estoit, et parla à elle aulcunes parolles, dont je ne sui mie bien recors, jà soit che que je y estoie présent^. Après lesquelles se retrayst ledit duc et toutes aultres gens , chacun en leur logis, pour cheste nuit. Et la Pucelle demeura en la garde et gouvernement de messire Jehan de Luxembourg. Lequel, dedensbriefz jours ensievans, Tenvoia soubz bon conduit ou chasteau de Biaulieu^ et de là à Biaurevoir, où elle fut par longtemps prisonnière, comme chi après sera déclairié plus à plain. »
2* Lefebvre de Saint-Remy {Bourguignon), {Extrait de sa ChroniqueJ)
a Au mois de may m.ccgg.xxx, le duc mist le siège devant une forteresse séant sur la rivière d'Ënne, près de la ville de
372 PROLEGOMENES.
Gompiengne, uommée le Pont à Choisy, et falloit passer une grosse rivière nommée Oize , et la passoit-on à ung villaige nommé le Pont-l'Evesque , assez près de la cité de Noion : et estoit ledict passage gardé de deulx vaillans cbevallien» d'Angleterre. Et en icelluy s'estoient les adversaires du duc assemblez en grant nombre pour combattre le duc ; et là estoit Jehenne la Pucelle, laquelle estoit comme chief de la guerre du Roy, adversaire pour lors du duc; et creoieat les adversaires qu^elle mectroit les guerres à fin, car elle disoit qu^il luy estoit révélé par la bouche de Dieu et d*aulcuns sains. Si conclurent lesdis adversaires d^aller ruer jus ceulxqui gardoient ledict pont; et de faict les allèrent assaillir très rudement; mais les chevalliers dessusdiz se defféndirent si vaillamment, que les ennemis ne les peuirent grever. Et aussy le seigneur de Saveuses et aultres de gens du duc les vindrent aydier et secourir en tout te dilligence ; et y eult grant foison de navrez d*ung costé et d'aultre; et ne firent lesdiz adversaires aultre chose pour Teure ; ains retournèrent chascun en leurs villes et forteresses, et les chevalliers demourèrent gardans ledict pont tant que le duc fîit devant ledit pont à Choisy, où il fut dix jours ; et s*enfuyrent peulx de ladicte place.
» Et tantost aprez que le duc eust prins ledict pont à Choisy, repassa ledict pont et rivière et se loga à une lieue près de Compiengne, et son ost es villages près de ladicte ville. Et ainsy que le duc ordonnoit ses gens pour mectre son siège devant ladicte ville de Compiengne, qui est grosse et grande ville, de grant tour, et enclose en partie de deulx rivières d'Oize et d'Enne, qu'y assemblent devant ladicte ville ou assez près (et estoit capitaine de ladicte ville de Compiengne, un escuyer nommé Guillaume de Flavi, lequel faisoit de grans maulx es pays du duc) : adont vint en la ville de Compiengne la Pucelle par nuyt et y fut deulx nuis et un jour ; et au deuxiesme jour, dist qu'elle avoit eu revelacion de Dieu qu'elle mectroit a desconfiture les Bourgongnons. Si fist fermer les portes de ladicte ville, et as-
