CHAPITRE m. DOCUMENTS SUR JEANNE D'ARC

celuy de Flavy avoit faict ceste ordonnance pour ce qu'il avoit ja vendu aux dessusdicts Bourguignons et Ângloys la Pucelle. Et pour parvenir à ses fins, il la pressoit fort de sortir par Tune des portes de la ville , car le siège n'estoit pas devant iceile porte.

» Ladicte Pucelle ung bien matin fist dire messe à Sainct- Jacques et se confessa et receut son Créateur, puis se retira près d'ung des pilliers d'icelle église, et dit à plusieurs gens de la ville qui là estoyent (et y avoit cent ou six. vingts petis enfans qui moult desiroyent à la veoir) : « Mes enfans et » chers amys, je vous signifie que l'on m'a vendue et trahie, » et que de brief seray livrée à la mort. Si vous supplie que » vous priez Dieu pour moy; car jamais n'auray plus de » puissance de faire service, au Roy ni au royaulme de » France. » Et ces parolles ay ouy à Compiègne, l'an mil quatre cens quatre vingtz et xvm., au moys de Juillet, à deux vieulx et anciens hommes de la ville de Compiègne , aagez , l'ung de 98 ans, et l'aultre de 86, lesquelz disoyent avoir esté presens en l'église de Sninct-Jacques , alors que la dessusdicte Pucelle prononça celles parolles.

V Quant la Pucelle à compaignie de xxv. ou xxx. archers fut sortie hors de la ville de Gompiegne, Flavy qui bien sçavoit l'ambusche, fit fermer les barrières et la porte de la ville. Et quant la Pucelle fut en ung quart de lieue, elle fut rencontrée par Lucembourg et aultres Bourguignons. Si les advisa plus puissans et s'en retourna à course, soy cuydant sauver dedans la ville ; mais le truistre de Flavy si luy avoit faict clorre les barrières, et ne voulut luv faire ouvrir les portes. A celle cause fut la Pucelle par les Bourguignons à l'heure prinse aux barrières de Gompiengne, et par eulx livrée aux Angloys. Et pour ce que par la justice des hommes celuy de Flavy ne fut pugni de ce cas , Dieu , qui ne voult délaisser ung tel cas impugni, p^rmist depuis que la femme d'icelluy de Flavy, nommée Blanche d* Auvrebruch , qui moult belle damoyselle estoit, le suffoqua et estrangla par l'ayde d'ung sien barbier, alors qu'il estoit couché au lit en

son chasteau de Nèel-en-Tardenois : dont, depuis, en eut grâce du roy Charles septiesmé, parce qu'elle prouva que son dessusdict mary avoit entreprins de la foire noyer..... n

1^ Lettre par laquelle le duc de Bourgogne jour même aux habitants de SairU-Quentin Jeanne.

annonça le

Saint-Quentin la prise de

» De par le duc de Bourgogne, conte de Flandres, d'Artois, de Bourgogne et de Namur :

» Très chiers et bien amez, sachans que vous desirez savoir de noz nouvelles, vous signifions que oe jour d'uy xxm* de may, environ six heures après midy, les adversaires de monseigneur le Roy ( Henry VI) et les nostres qui s'estoient mis ensemble en très grosse puissance et boutez en la ville de Gompiengne devant laquelle nous et les gens de nostre armée sommes logiez, sont sailliz de ladicte ville à puissance sur le logis de nostre avangarde le plus prouchain d'eulx, à laquelle saillie esloit celle qu'ilz appellent la Pucelle avecques pluseurs de leurs principaulx capitaines. A rencontre desquels, beau cousin messire Jehan de Lucembourg qui y estoit présent et autres nos gens et aucuns des gens de monseigneur le Roy qu'il avoit envoie par devers nous pour passer pultre et aler à Paris , ont fait très grant et aspre resistence, et prestement en nostre personne y arrivasmes et trouvasmes que lesdiz adversaires estoient jà reboutez , et par le plaisir de nostre benoist Créateur, la chose est ainsi avenue et nous a fait tele gracè que icelle appelée la Puoelle a esté prise et avecques elle plusieurs capitaines, chevaliers, escuiers et autres, prins, noiez et mors, dont à ceste heure nous ne savons encores les noms, sans ce que aucuns de noz gens ne des gens de mondit seigneur le Boy y aient esté mors ou prins , ne qu'il y ait eu de noz gens bleciez vint personnes, la grâce Dieu. De laquelle prise ainsi que tenons certainement seront grans nouvelles partout et sera congneue