AU DUC DE BOURGOIGNE

plaire, comme je doy, à toutes voz haultes et tresnobles intencions, en façon à moy possible, ose ce présent ^petit œuvre, à vostre commandement et advertissement mis en terme et sur piez, vous présenter et offrir, suppliant treshumhlement que agréablement soit receu, qui en soy contient et traicte Cent hystoires assez semblables en matière, sans attaindre le subtil et tresorné langaige du livre de Cent nouvelles. Et se peut intituler le livre de Cent nouvelles nouvelles. Et, pour ce que les cas descriptz et racomptez oudit livre de Cent nouvelles advindrent la pluspart es marches et mettes des Ytalies, ja long temps ha^ neantmoins toutesfois portans et retenans toujours nom de nouvelles, se peut tresbien, et par raison fondée convenablement en assez apparente vérité, ce présent livre intituler de Cent nouvelles nouvelles, ja soit ce quelles soyent advenues es parties de France, d'Alemaigne, d'Angleterre, de Haynault, de Flandres, de Braibant, etc.; aussy, pource