LIVRE DES ÉDIFICES ANTIQUES ROMAINS. » (DEDICACE

« A Très Illustre Prince Monseigneur Messire laques de Sauoye ,

Duc de Geneuois et de Nemours.

Monseignevr, i’ay ces jours passer mis en lumière une carte de la ville de Rome, telle qu’elle estoit anciennement en sa plus grande splendeur, mais pour ce qu’il m’estoit impossible de représenter en si peu de lieu toutes les perfectiôs qui se trouuent es plus signalez bastiments d’icelle, i'en ai fait vn Hure entier , qui pourra seruir à ceux qui sont curieux de l’antiquité, et encore plus (à mon jugement) d ceux qui sont maistres en l'architecture , lesquels y pourront trouuer plusieurs beaux traits et enrichissements pour aider leurs inuentions. Et d’autant, Monseigneur, que vous estes vn Prince qui aimez et entendez parfaittemét l’Architecture, et qui mesmes auez esté sur les lieux, ou vous n'auez dédaigné de visiter et remarquer les plus mémorables reliques de l'antiquité, il m’a semblé que vous addressât et dédiât ce liure, c’estoit approprier l’œuure à son point :

Aussi que deslôgtemps vous m’auez fait cet honneur q de m’accepter pour vostre et de m’entretenir par vostre libéralité, qui me fait estimer vostre ce qui proviét de moy. Partât auec toute humilité ie le vous offre et présente, vous suppliant le recevoir de mesme œil et faueur qu’auez par cy devant fait quelques autres miennes petites inuentions.

Monseigneur, ie prie le Créateur qu’il luy plaise vous octroier auec sa grâce, tout l’heur et côtentement que vous désirez.

Vostre très humble et très obéissant serviteur Jacques Androüet du Cerceau. »