TAILLEURS DAMAGES
4877. — A Berthelomy van Raporst, pour xvj jours, à xv s. pour jour xu liv.
4878. — A Claes Deurem, pour semblable, idem.
ESTOFFES DE PAINTURES , PAYÉES DEPUIS LE XXVJe JOUR DE JUING JUSQU'AU SAMEDI IXe JOUR DE JUILLET.
(Jehan Hennekart et Pierre Coustain dirigent tous les travaux qui doivent remplir le programme cité au début de ce compte: les détails sont précieux, mais l'espace me manque, et l'art n'y a pas grande part. Je prends cet article qui vient à la suite de la fabrication des griffons, dromadaires, baleines, etc.)
4879. — A Pierre Costain, la somme de huit livres ung sol , dudit pris , qu'il avoit paié pour les parties cy après déclarées , assavoir pour deux douzaines de cornailles et de gais , de coulons et de cauwes, deux douzaines de cailles, nu douzaines de
4880 appendice. 375
petiz oiseletz et une demye douzaine de chuettes, lesquelz oyseaulx servirent aux ditz dromadaire et griffon lxxviij s.
4880. — A Jehan Hennekart , pour avoir envoyé deux messagers hâtivement à cheval, en plusieurs villes, à cause qu'il n'y avoit point assez d'ouvriers, et que Ton disoit estre la feste des noepces de MdS, beaucop plus briève qu'elle ne fut, comme ès villes de Gand, Brouxelles, Louvain, Thielmont, Mons en Haynau, Quesnoy, Valenchiennes, Douay, Cambray, Aras, Lille, Yppre , Courtray et Audenarde, pour d'ilec faire venir plusieurs compaignons paintres qu'il estoit nécessaire d'avoir pour le fait des dits ouvraiges vj liv. viu s.
ENCORE OUVRAIGES DE PAINTURES ET D'ENTREMETZ FAIS PAR MAISTRE JEHAN SCALKIN POUR SERVIR ES DITS BANCQUETZ DES NOEPCES.
4881 . — Parties paiées par le devant dit Fastre Hollet pour ses ouvraiges de paintures et autres , pour les nouvelletez d'entremetz que maistre Jehan Scalkin a faitz et ordonné faire pour servir aux bancquetz des dictes noepces, ainsi que lui avoit esté commandé de par MdS , lesquelz entremetz et nouvelletez ont esté ; c'est assavoir : deux grans chandeliers pendans que l'en a mis et pendu ou milieu de la grant salle où MdS a tenu sa feste. Lesquelz sont de neuf piez en croisé , et est le fond d'i-
ceulx fait à cul de lamppe, et à chacun cul de lamppe a sept miroirs bien grans, garniz de bordure d'azur et autre, dorée autour, et estoffez de piererie contrefaite, et dessus icelui cul de lamppe a ung grant corps de environ xx piez de hault à façon d'une montaigne, de laquelle et du premier estage saillent quatre branches ploiées et recrombillées par embas, bien aornées de feullage, lesquelles branches sont chandeliers à mettre flambeaulx, et puis encore à ung autre estage ung peu plus hault en saillent autres quatre branches qui aussi soutiendront platines à mettre semblablement flambeaulx. Et sur icelle montaigne a fait ung chasteau et pluiseurs personnages , comme kamelz chargez , portans vivres, et veneurs alans autour , de bas en hault , alans et montans au dit chasteau. De laquelle montaigne saillent serpens gettans fleu et flambe , et se tourne la dicte montaigne avec icelui chasteau , par engien soubtilement fait , par dedens œuvre , et le fondement d icelle montaigne ne se bougera. En oultre a fait, le dit maistre Jehan Scalkin, une fontaine gettant eaue roze , saillant en hault par le doy d'une y mage St Jehan , et dessus a ung miroir tourné , ce dessus dessoubz, pour par icelui véoir les poissons nagans en icelle fontaine , et au dessus a fait ung personnage d'homme bien aorné , tenant en sa main une banière des armes de MdS. Laquelle fontaine a esté mise sur la table où MS et madame estoient assis, et sont les piliers d'icelle fontaine de cristalin et sy a
4882 appendice. 377
autour autres divers petis personnages, bien joyeulx, faisans la morisque, mouvans par dedens le tabernacle d'icelle. Pour lesquelz ouvraiges faire , il a prins certains ouvriers comme paintres , tailleurs d'ymages et autres , cy après déclarez ; lesquelz ont esté paiez de leurs salaires et journées par le dit Fastre , en la manière qui s'ensuit , ensemble les estoffes à ce convenables, et ce depuis le premier jour d'avril, l'an mil cccc soixante sept, avant Pasques , qu'ilz commencèrent à ouvrer , festes et dimence, pour avancier l'ouvraige, jusques au xe jour de juillet, l'an lxviij en suivant.
