li dira... joutise manque dans v

il 10

est creiïz par son sairemant jusqu'à v s.', se cil à qui l'an demande li 1 quenoist partie petite ou grant.

x2. La forme dou sairemant de vérité3 est telle : cil qui demande jurera que il croit avoir droite demande et que il respondra droite vérité à ce que l'an li demandera selonc ce que il croit avoir droite demande, et que il ne donra riens à la joutise ne ne prometra pendant la querelle ne aus tesmoinz fors lor despens, ne n'ampeschera les preuves de son aversaire, ne riens ne dira contre les tesmoinz qui seront amené contre lui, que il ne croie que voirs soit, et que il n'usera de fauses preuves.

Cil à qui l'an demande jurra que il croit avoir droit de lui deftandre, et jurra les choses dessus dites.

Après ces sairemanz, la joutise demandera la vérité aus parties de ce qui sera dit par devant lui; et se cil à qui l'an demande met an ni ce que l'an li demandera, cil qui demande provera par tesmoinz et les amanra à jor assigné.

xi4. Qui sera atainz ou repris de faus tesmoignaige il demorra an la volante de la joutise por l'amande.

xn. Gil qui fera5 arester aucune chose donra ploige tout avant ou asseûrera dou domaige et de l'amande, se il est trovez an tort.

xin6. Famé qui a seignor n'a pas response an cort laie, se n'est de vilenie que elle ait faite ou dite : ou se elle est marchande, elle avra response de sa marcheandise , et autremant non.