v ç xlix

la maison soit partie par escheoite, ou1 par partaige, ou par achat, ou par autre chose, et li2 uns ait la partie dou feste, et li autre ait la partie desouz le feste, loragout charra communemant an celle terre que li estefîerres laissa por cheoir son agout; mais se li estefîerres prant toute sa terre et meste goutiere, et la maison soit départie sans faire devisance d'agout; ne de goutiere, d'une part ne de d'autre, cil qui avra le feste à sa part avra son agout sor l'autre partie qui sera plus basse que la soue, par Fusaige dou pais ; et se cil qui tient la basse partie hauce sa maison3, il metront goutiere antre les n maisons, chascuns par moitié.

lu4. Et se il y a mur parçonnier ou autre cloison mitoiere (sic), et li uns des deus lait sa maison fondre, il sera tenuz à celui mur ou à cette cloison soutenir par moitié ; et se il se puet après habergier, il se porra habergier sor celui mur ou sor celle cloison; car il y a propriété par moitié5.