bois manque dans v

cxi1. Li sires atandra son home qui li doit homaige xl jors, ainz que il aseine au fié; et le fera semondre par home souflsant ou gentil home ou sergent juré à jor de vin jors, de xv, de xl, de i an et i jor, o juigemant. Et se il ne vient dedanz ces ajornemanz, il a le fié perdu par droit; et ainsin remaint li fiez au seignor. Mais se il vient avant que il ait fait touz sez exploiz seur lui, il ne perdra pas son fié; ains2 il avra perdu ce que li sires an avra levé-, et fera droit des defauz.

cxii3. Se li bers est apelez an la cort le roi de ce qui apartient à son heritaige, et requiert le juigemant de ses pers, il l'avra, au mains, jusqu'à ni, o autres chevaliers.

cxni4. Nus ne rant roncin de servise jusques il se part de foi a celui à qui il l'avra randu. Car se cil à qui il l'avroit randu se moroit, il le randroit à celui à qui la terre escherroit. Et se ainsinc avenoit que aucuns eûst randu son roncin de servise à son seignor, et ses sires le vousist doner à son fil ou à sa fille, et li hons respondist : « je ne mevoil pas partir de vostre foi, se je ne m'an part come foi servi, quant je vous ai randu vostre roncin de servise, » il ne s'an partira pas par droit, se il ne le fait quiter à l'autre à qui il le devroit randre, se celui moroit; ou il li fera otroier que il ne prandra point de ronsin de servise, tant comme cil vive à qui il l'avra randu.

cxrvb. Nus gentis hons ne puet demander amandemant de juigemant que il ne fausse tout6 outre, ou teigne por bon, se n'est an la cort le roi ; car ileuc le puet l'an demander par droit; car qui le voudroit fauser, il ne troveroit qui droit li an feist : li rois ne tient que de Dieu et de lui.

cxv7. Se aucuns laisse son servise à randre à seignor par un anz ou par v à jor nomé, ganz ou espérons, ou autre servise trespassé, et li sires l'an apele, il an fera le droit gaige8 de sa