QUIS

1388, 3 & août.

Lettres des capiuùnes du rot en Basse-Normandie, par lesquelles Us s'engagent sur leurs biens à faire obtenir aux vicomtes des bailliages de Caen et du Cotentin les lettres et mandéments royaux nécessaires pour régulariser la levée de Faide accordée à Rassemblée de Bayeux.

(Bibtiothëqne Dationale , fondi français, S9&5i, n* 9.)

A tous ceulz qui ces lettres verront ou orront, Guillaume Paynel, seigneur de Hamimye, Jehan de la Perte, seigneur du lieu, et Hervieu de Maugny, sire de Thorigny, cappitaine pour le Roy nostre sire ou pais de Normandie par deçà Saine, salut.

Comme pour ce que nous avons vraie cognoissance et escous adcertenez que les ennemis du royaume estoient et sont prestz et en voulente de grever et domagier de tout leur povoir par mer et par terre, lesquelx avons baiilie en gouvernement et pour resistar à tout nostre povoir au mauvaiz propos et dure entreprinse des dis ennemis, par lesquielx le dit pais estoit en voie d avoir et aoustenir domages inreparaUes, se pourveu n'y estent, mesmement que à présent que les gens ordenez à la frontière du pais soubz nostre gouvernement ne pourroient suffire à toute la puissance des diz ennemis, et aussi que pluseurs chevaliers, escuiers et autres gens d'armes du dit pais dont Ton se povoit aider aucunement sont allez autre part es guerres du dit seigneur, nous avons nagaires pour ce fait assamble en la ville de Bayeux pluseurs officiers du Roy, gens d'ej^ise, barons, chevaliers, escuiers, gens de bonnes villes et autres nottables personnes du dit païs, ausquielx les doubtes et faiz dessus diz ont estre monstrez et exposez et requiz comment ils voulsissent adviser aucune voie de remède visible qui se peust faire pour obvier à la dure entreprinse des diz ennemis et aux domages inreparables qui s'en pourroient eussuir, par Tadviz et deliberacions desquielx ait este délibère et advise qu'il

estoit chose neccessaire et prouffitable et bien convenable, que le nombre de cent hommes d'armes et quarante arbalestriers pour Tenfortissement de la dite frontière feussent mis sus hastivement, et que pour leur faire paiement d'un mois tant seulement, et sans estre admene à conséquence pour le temps à venir, la somme de deux mile et six cens livres tournois feust mise sus pour une foiz sur les villes et paroisses des bailliages anciens de Caen et de Costantin et ressors d'iceulx, cest assavoir ou dit bailliage de Caen la somme de quatorze cens livres tournois et ou dit bailliage de Costantin la somme de douze cens livres tournois, et que icelle somme seroit receue par les vicontes du Roy es diz bailliages, lesquielx en bailleroient Targent à Guillaume de Roulegny, viconte de Rayeux, lequel seroit commis receveur gênerai à faire la receple de toute la dite somme, ayons pour icelle estre distribuée à Caen, si comme il appartendroit et pour acomplir ce que dessus est dit sur ce dans noz mandemens et commissions adreçans à chascun des vicontes es diz bailliages; sur quoy aucuns d'iceulx se soient voulu excuser, disans que sans avoir sur ce lettres et mandemens du Roy nostre dit seigneur, veriffiees par nos seigneurs les generaulx, ce n estoit leur entente de mettre sus ne recevoir aucune taille pour le fait dessus dit ne autrement, et pour ce que pour cause de Texcusation et delay dessus diz, les dites gens d'armes et arbalestriers ne pourroient estre tenus enssamble sans avoir le dit paiement, par quoy les inconveniens dessus diz s'en pourroient enssuir, nous par la teneur de ces présentes par la foy et seremens de noz corps et sur l'obligacion de touz noz biens meubles et immeubles, promettons à faire avoir es diz vicontes et a chascun d'eulx telles lettres, mandemens et descharges, comme il leur appartendra d'avoir fait et acompli les assiz, coux et recepte de la somme dessus dite, en tant comme chascun en est commis, et à les garder sur ce de touz les coulx, périls, dommages et deffenses qui pour cause de Texecucion du fait dessus dit leur seroient ou pourroient estre imputez ou tournez à blasme, dommage ou reproche par le Roy nostre dit seigneur ou par aultres.

En tesmoing de ce nous avons mis à ces lettres nos propres seaulx, le xxuu* jour d'aoust, Tan de grâce mil ccc iiii" et huyt.

PIÈCES JUSTIFICATIVES. Mb

LU

1388, a a août. Bayeux.

Lettres des capitaines du roi en Basse-Nomumdie , ordonnant aux vicomtes de Cae. Bayeux, Falaise et Vire de lever l'aide de a, 600 francs votée dans l'assemblée tenue

Bayeux,

(BiUiothèqae natioDale, fonds français, 99&5i, n* 7'*^)

Guillaume Paynel, sire d'Hambuye, Jehan de la Ferte, sire du dit lieu, Hervîeu de Maugny, sire de Thorigny, cappitaines pour le Roi noslre dit sire es parties de Normendie par deçà Saine, au bailli et viconte de Caen et au vicoDle de Baieux, de Faloise et de Vire, et à leura lieutenaos et à chascun cTeulx, salut.

Gomme nous aions vraie coognoissance que icelui paîs, à nous baillie en gouvernement, ait este et soit de présent en grand double et effroy des Englois et ennemis, qui depuis nagaires se sont mis et mettent en fait de grever et dommagier ledit paiz à tout lour povoir, especialement de ceulx qui sont demourans à Ghierebourg et aussi de ceulx qui de jour en jour pevent ilec venir et dessendre par mer ou autrement, et de faire y tout fait de guerre, pour quoy nous, qui en ce vouldrions et voulions pour le bien du Roy et de son paîz pourvccr et remédier à tout nostre povoir, avons fait asembler et venir dans la ville de Baieux pluseurs des officiers du Roy es dites partiez et aussi gens d'église, barons, chevaliers et escuiers, et gens de bonnes villes et pluseurs autres notables personnes du dit paiz ausquielx le fait a este expose et monsti*e et requis lour que ilz voulsissent regarder et adviser aucun don(?) fait, par quoy Ton peust remédier contre la puissance et durc« enstreprinse des diz ennemis, mesmement que le nombre des gens d'armes ordenne par le Roy en la frontière de Garenten ne porroient bonnement souffere selon le temps de présent à résister contre les diz ennemis, par touz lesquielx gens ilecques asembles et venu a este conseillie, regarde et ad vise pour le mieX) que par dessus et oultre les gens de la dite frontière et pour le plus expédient, et pour ce qu'il est nécessite que hastivement y ftist pourveu, il est chose proufitable et bien convenable selon le cas tout considère, que les gens et habitans es bailliages de Gaen et de Gostentin feissent et faichent jucques à un moiz seullement et sans préjudice ne estre ramené à conséquence

^') D*autre8 copies de la même pièce se trouvent encore : Bihl, nat., fonds franc., 99661, n* 8, et Pièces ori^., Paynel, n" 61. Cette dernière présente quelques différences vers ia 6n.

pour le temps advenir, le nombre de cent hommes d^armes et quarante arballestriers, pour eschiver ces grans^ perilz et dommages inreparables qui se peuvent ou peussent enssuir, se briefment n'y est pourveu, comme dit est, et que pour paier les dites gens d'armes et arballestriers avec les frais qui en deppendent, estre bon de lever et prendre sur les gens, villes et paroisses des diz deux bailliages la somme de deux mille et six cens frans pour une foiz tant seuUement, c'est assavoir xiiii' ou bailliage de Caen et ou bailliage de Costentin xii% et que de ce la recepte soit faicte par les vicontes du Roy en icelx bailliages, et chascun viconte, en tant comme il en y a en sa viconte, eu regart es assietes des tailles devant faictes ou dit païz pour le fait de la guerre, et par égal porcion sur chascune paroisse, et à Tescallite (sic) de l'un fait à l'autre, ainsi toutevoiez que ce soit au plaisir du Roy nostre sire et sauf à avoir sur ce son ottroy, congie et liscence, se mestier est, auquel advis conseil et deliberacion nous noz sommes acordes et acordons et par la dite deliberacion l'avons ainsi ordene et commande estre fait; si vous mandons et commettons à vous et à chascun de vous que la dite somme de xiiii* frans pour le dit bailliage de Caen, vous faichiez cuillir et lever selon la dite deliberacion et ordenance, et les deniers de ce paier à vous les dis vicontes, chacun en sa viconte, afin d'estre mis et employez es fraiz dessus dis, selon la dite deliberacion et ordenances, et faites que icelui argent soit apporte hastivement devers Guillaume de BouUegny, viconte de Baieux, pour faire en le paiement es dites gens d'armes et arballestriers, lequel nous y avons commis et ordene. Ce faites tellement et si deuement et fidèlement que deffaut ne delay n'y ait.

Donne soubz nos seaulx, au dit lieu de Baieux, le samedi xxii' jour d aoust, l'an mil ccc iiii" et huit.