DE LINGENDES

SUR LE TRESPAS DU SIEUR DE MONT-GAILLARD 3l

PROSOPOPEE

JE suis mort comme j'ay vescu Libre de regret et d'envie, Mais la mort ne m'eust point vaincu Si je n'eusse trahy ma vie :

Car elle ne m'a combatu Que des armes de ma vertu.

Je m'estois le corps affoibly.

Pour me randre plus forte l'Ame, Afin qu'un éternel oubly Ne m'endormit sous une lame, Comme ceux dont le souvenir Passe Lethé sans revenir.

Mais quoy je ne regrette pas Qu'en une si belle entreprise J'aye par un si court trespas Une longue mémoire aquise :

Car en cest agréable ellort J'ay fait mourir la mesme mort.

Elle n'a lué que mon corps :

La meilleure part de moy mesme Ne redoute plus ses effors. Ny les traitz de sa face blesme :

Sans plus je crains que l'univers Mourant face mourir mes vers.

Je fusse bien mort plus contant.

Si j'eusse esté, lorsqu'il vint naistre ; Car il ne me passe qu'entant Qu'il fut premièrement en Estre, Et je plains ce qui s'est passé Devant que je sois trespassé.

Car combien eust creu mon renom Parmy tant de grands personnages, Et combien a perdu mon nom De durée en ces premiers âges.

Qui maintenant par le déclin De ce monde est près de sa fin ?

Passant, voilà de mon despart Le seul regret qui me dem^eure ; Je me plains d'estre nay trop tard, Et non pas que trop tost je meure :

Car naissant plustost j'eusse fait Le cours de mon los plus parfait.

DAUDIGUIER.

DU