Bibl. nat., ms. fr. 2813, tauxée

mout de fere le commandement du roy : si envoia à Paris x" livres. Le roy ne volt pas (|u'il demourassent en son trésor, ançois en fist f'eire la meison Dieu de Ponthoise, et la monteplia en rentes et en terres; et si en fist fere le dortoir aus Frères Preecheeurs de Paris, et du remenant fist fere le moustier aus Frères Meneurs de Paris. Et li sires de Gouci s'en ala outre mer, qui n'osa demourer outre le terme qui li lu mis, Grant exemple doit estre à touz ceus qui tiennent justice que si très haut homme et de si <j;rant ligna<,^e (|ui n'estoit acusé que de povres genz, trouva à grant paine remède de sa vie.

^De la contenance le roy de France^.

Quant les barons de France entendirent le grant sens et la droite justice qui estoit el bon roy, si se doutèrent forment et li portèrent grant honneur pour ce qu'il estoit de sainte vie. Si ne fu puis nus hons qui osast aler contre lui en son reamme; et se aucuns estoit rebelles, tantost estoit humeliez et abatu son orgueil. En ceste manière tint le roy son reamme en pès tout le cours de sa vie puisqu'il fu repairiez de la terre d'outre-mer. '^ Quant le roy savoit aucun haut prince qui eust aucune indignacion ou aucune malivolance contre

1. « De la grant sapience le roy de France » (Bibl. nat., ras. fr. 2813, fol. 288).

2. Guillaume de N'angis, Vie de saint Louis, dans Bec. des Hist. des Gaules et de ta France, t. XX, p. 400-403.

3. Cf. GeofProi de Beaulieu, op. cit.^ dans Rec. des Hist. des Gaules et de la France, t. XX, p. 13.

lui^ laquelle il n'osoit nionstrer apertement, il, par son sens t'atraioit à pès charitablement par debonnaireté et faisoit amis de ses anemis en concorde et en pès. Et si comme l'Escripture dist : « Miséricorde et pitié gardent le roi et debonnereté ferme son throne^ » ; tout aussi le throne du reamme de France fu gardé fermement et en pitié el temps du bon roy, quar miséricorde et vérité qu'il avoit touz jourz amée le gardèrent. Es causes qui estoient tornées contre lui de ses hommes et de ses sougiez, le bon roy aleguoit touz jourz contre soi; pour ce le fesoit que cil qui estoient de son conseil et qui dévoient fere droit jugement pour lui ou contre Uii es causes meues contre ses sougiez, ne se déclinassent de fere droit jugement pour la paour de lui. 11 envoioit souvent enquesteeurs susses prevoz et sus ses bailliz par son reamme, et quant l'en trouvoit chose qui faisoit à amender, il faisoit tantost restablir le deffaut qui fesoit à amender. Ice meismes fesoit-il souvent fere sus la maisnie de son hostel, et fesoit punir ceus que l'en trouvoit corpables selonc ce qu'il a voient deservi. Il se gardoit moût de dire vilaines paroles, meesmement de detractions et de mençonges; poi ou néent maudisoit, ne ja ne deist vilanie à homme, tant feust de petit estât. Especialment le roy se tenoit de jurer du tout en tout, en quelque manière que ce feust; et quand il juroit, si disoit : « En non de moi ». Mais I frère meneur l'en reprist ; si s'en garda du tout en tout^ et ne jura autrement, fors tant qu'il disoit : « si est » ou « non est ». L'en ne pooit trouver homme, tant fust sages ne letrez, qui si bien jugast une cause