Cf. Grandes Chroniques, t. VII, p. 105, chap. xxxiii

entiers. Les cardinaus qui virent que sainte Eglise estoit en grant péril, eslurent i preudome en pape qui Sainebaut avoit non, prestre cardinal de Saint Martin ou mont, et l'apelerent Innocent le quart ^. Cil papes vint en France pour la grant forsenerie Frédéric l'empereur qui longuement dura contre l'église de Rome, si comme il est desus dit ; c'est à savoir l'an Nostre Seigneur MCC et XL II II.

^Mès I poi avant que il venist à Lyons sus le Rone, li roys de France Looys fu malades d'une fort fièvre et de flus de ventre ou mois de décembre, le jour de la feste sainte Luce * et j ut longuement à Pontoise. Quant la nouvele ala par le royaume de France que li rois Looys, qui lors estoit seus defïendeur de sainte Eglise et de la foi chrestiane, estoit ainsi griement malades, si fu chascun endroit soi moult griement courouciez. Les archevesques, les evesques, les abbez et les barons qui orent pitié de leur roy vindrent hastivement à Pontoise et attendirent illuec par pluseurs jours pour savoir que Nostre Seigneur voudroit ordener de li. Mes pour ce que il virent que la maladie le roy croissoit de jour en jour plus forment, il ordenerent que l'en priast Nostre Seigneur qui tout puet, que il deignast demonstrer sa vertu en donnant santé au roy. L'en fist mander par toutes les églises cathedraus, que l'en amonestast les gens de faire aumosnes, et priast l'en et feist l'en processions partout, que Diex envoiast hastivement santé au roy.

Aprèz ce fait, avint que la maladie crut au roy et s'enforça griement, si que l'en cuida par grant partie d'un jour que li rois fust mort ; et furent pleurs et criz par le palaiz, pour ce que chascun cuidoit que il fust trespassez *.

1. En note : « Ce pape estoit homme de saincte vie et doublant Dieu. »