Cf. Grandes Chroniques, t. Vil, p. 233, chap. xc

au quart hoir descendant de li, se il aloit encontre Mainfroi et deffendroit l'église de Rome que il grevoit forment. Mainfroi, si comme nous avons dit par devant, avoit pris par force et par barat le roiaume de Sezile, la terre de Puille et de Calabre ^, contre le droit que Corradins ses niez i avoit ou pooit avoir, et avoit occupé par sa force toute la terre que l'Eglise a en ces parties^.

Challes, li contes d'Anjou, quant il entendi le mandement le pape, si reçut liement le don qui li iert offert, et fu obéissant si comme fil d'obédience, à son mandement et appareilla tantost grant ost pour aler sus Mainfroi. Mes Mainfroiz qui moult se sentoit coulpables, et moult se doubtoit que des parties de France ne venissent aucuns qui par leur force le feissent trébucher, il atraist à soi par dons et par promesses et par autres manières d'aliances la greigneur partie des citez d'Ytalie qui li obeissoient comme à seigneur et à roy ; et establi illuec I sien vicaire pour lui a grant compaignie de genz à armes, qui avoit non Poilevoisin, et estoit merveilleusement à Mainfroy en meurs, pour ce que il li gardast les citez qui s'estoient aliées à lui, et que les espies et les messages qui venoient à la court de Rome, dont il se doubtoit moult selonc l'interprétation de son non, il despoillast. Mes Challes qui fu esleus au roy de Sezile pour oster et deffaire le fait de Poilevoisin, envoia Phelippe de Montfort, I hardi et preuz chevalier aus armes, et avecques lui grant pienté de geriz à armes pour délivrer le pas et la voie de ceuz qui aloient et venoient à Rome, que cil Poilevoisin encombroit, et pour confondre les citez qui devers Mainfroy se tenoient^. Avec ce Phelippe, fu li marchiz de