Rigord, Gesta Philippi Augusti

veneors par le congié son père. Quant il furent ou bos entré, il troverent un sanglier. Li veneor descoplerent les liemmiers et corurent après la beste parmi la forest qui est parfonde et soutile^ huiant et cornant. En poi d'eure furent espars, li uns çà, li autres là, par diverses voies et par diverses sentes. Entre ces choses, Phelippes, li enfes, qui tu montez seur un chaceor fort et isnel, lessa toute sa compagnie et corut après la beste touz sens moult longuement, tant com li chevaus pooit randoner, par une petite sentelette qui n'estoit pas moult hantée. Quant il ot ensi chacié longue pièce, il prist à regarder après lui, ne nului ne choisi- de sa gent, et vit le jor qui ja abessoit et le vespre qui declinoit. Et pour ce que il se vit seus en la forest qui estoit grant et longue, le prist une petite paors; si ne fu mie de merveille à entant si jone et qui pas ce n'avoit apris. Une heure aloit çà, autre heure là, si com li chevaus le voloit mener. A la partin, quant il ot ensi chevauchié une pièce, il escoute et regarde de touz sens, se il verroit nului venir, et il n'oï ne ne vit nului qui après lui venist. Il fu moult espoantez ; mais toute voies, à chief de pièce ^ revint à soi maismes. A granz soupirs et à granz gemissemenz fist croiz seur son front; si se commanda à Dieu et à la benooite Virge Marie et à saint Denis qui est patrons et défense des rois et dou roiaume de France. Après ce que il ot fenie s'oreson, il regarda à destre, et vit de loinz un

1. Soutile, cachée, secrète; latin : « par dévia nemoris et vaste solitudinis ».

2. Ne choisi, ne découvrit; latin : « nuUum de venatoribus adesse cognovit ».