Dreux, Eure-et-Loir, cii.-l. d'arr

trespassant et maintes autres viles champestres, jusques atant que il vint à Gisorz. Lors donerent li dui roi trieves li uns à l'autre pour l'iver qui aprechoit.

•En ces entrefaites, Richarz, cuens de l'oitiers, requist à son père le roi Henri, sa famé la sereur le roi Phelippe- que il devoit avoir par droit, car ses pères, li bons rois Loys la li a voit lessié en garde. Et ovecjues ce, requeroit-il le roiaume d'Angleterre pour ce que les covenances avoient esté teles entre le roi Loys et le roi Henri, que quicumques des fiuz le roi Henri auroit celé dame par mariage, il devoit avoir le roiaume d'Angleterre après le décès le roi Henri. Et pour ce que il estoit ainznez après Henri son frère qui morz estoit, il devoit avoir la dame, et le roiaume après le décès son père, si come il disoit; et ce requeroit-il par les convenances qui devant avoient coru. Mais li rois Henris, ses pères, ne se voloit à ce acorder en nule manière. Et quant li cuens Richarz vit que il n'en feroit plus, il se départi de lui par mautalent; si s'en ala au roi Phelippe et li fist homage et feueté^ et s'alia à lui par sairement et par fiance^.