août

roine Ade et de touz les prelaz de France, fu traiz li precieus cors monseigneur saint Denis fors de là où il repose enclos et seelez en riches vaisiaus d'eleutre, et tu posez sor l'autel, il et si compagnon, et plusor des glorieus cors sainz qui laienz reposent. La raison pourquoi il furent hors trait, fu pour ce que l'on voloit que li pèlerin et li poples, qui là venroient et verroient présentement le glorieus martyr et la sainte congrégation, fussent plus esmeu et plus dévot à prier Dieu et la benooite Virge et les glorieus martyrs pour la délivrance de la sainte Terre, pour le roi et pour toute sa compegnie, que il, par sa miséricorde li donast force et victoire contre les anemis de la foi de la croiz^ A la feste saint Denis, qui est célébrée ou mois d'oitovre, fu la fiertre deseelée et overte, et en quoi les précieuses reliques du glorieus martyr reposent, en la présence de l'evesque de Senliz- et de celui de Miauz^, de la roine Ade et de mainz abbez et de mainz autres homes du siècle et de religion. Lors fu li cors trovez toz entiers, o tout le chief, et fu mostrez au pople par grant dévotion et à touz ceus qui là estoient venu en pèlerinage de divers pais. Quant la sollempnitez fu passée, li vaissiaus fu diligenment seelez et furent li cors sains remis en la fort voûte cimentée, dont il

1. Le royal ms. 16 G VI, fol. 350 v°, duBrit. Mus., ajoute en note pour traduire une phrase omise par Primat : « Car il, comme bon crestien, ne se fioit mie en puissance d'armes, ne en grant multitude de gent, mais tant seulement en la grant miséricorde de Dieu et es prières des glorieuz sains de Paradiz, par lesquelz il avoient ferme espérance de avoir de leurs ennemis victoire. »